Vasai crime news : झोपलेल्या आईवर कुऱ्हाडीने घाव; 17 वर्षाच्या मुलाने का केली हत्या?
vasai Crime news in marathi : horrible incident in vasai east. 17 year old boy killed his mother while woman sleeping
ADVERTISEMENT
Minor killed his mother in vasai : अवघं 17 वर्ष वय असलेल्या एका मुलाने कुऱ्हाडीने घाव घातल आईची हत्या केली. ही घटना उत्तर प्रदेश, बिहारमध्ये नव्हे, तर मुंबईला लागून असलेल्या वसईमध्ये घडलीये. या घटनेनं खळबळ उडाली असून, विधी संघर्षग्रस्त मुलाविरोधात पोलिसांनी गुन्हा दाखल केला आहे. (A Minor boy killed his mother in vasai over family dispute)
36 वर्षीय महिलेची हत्या करण्यात आल्याची घटना समोर आल्यानंतर पोलिसही हादरले. याच कारण म्हणजे महिलेची हत्या तिच्याच 17 वर्षाच्या मुलाने केली होती. ही घटना घडली रविवारी रात्री म्हणजे 20 ऑगस्ट रोजी. पोलिसांनी किशोरवयीन मुलाविरुद्ध बाल न्याय (काळजी व संरक्षण) कायद्यांतर्गत गुन्हा दाखल करण्यात आला आहे. हत्या करण्यात आलेल्या महिलेचे नाव सुनिता घोगरा असे आहे.
मृत महिला होती ग्रामपंचायत सदस्य
गेल्या वर्षी ऑक्टोबरमध्ये 2022 माजिवली-देपिवली ग्रामपंचायतीसाठी निवडणूक झाली होती. या निवडणुकीत सुनिता घोगरा या ग्रामपंचायत सदस्य म्हणून निवडून आल्या होत्या. सुनिता घोगरा यांचा मृत्यू त्यांच्याच मुलाने केलेल्या हल्ल्यात झाल्याचे पोलीस तपासात उघड झाले आहे.
वसईत मुलाने केली आईची हत्या, नेमकं काय घडलं?
सुनिता घोगरा या वसई (पूर्व) येथील वालीव येथील एका कारखान्यात काम करायच्या. रविवारी (20 ऑगस्ट) रात्री 10 च्या सुमारास, त्या आणि त्यांचा मुलगा जेवण करत होते. आपली आई सतत मोबाईलवर असते. रात्री अपरात्री मेसेज पाठवते, याचा मुलाला राग येत होता.
हे वाचलं का?
