26/11: जीवाची पर्वा न करता कसाबला भिडले, आता तहव्वूर राणाला परत आणलं, जिगरबाज सदानंद दाते आहेत तरी कोण?
Who is Sadanand Date: 26/11 हल्ल्याचा प्रमुख सूत्रधार तहव्वूर राणाला भारतात परत आणल्यानंतर NIA चे महासंचालक सदानंद दाते हे पुन्हा एकदा चर्चेत आले आहेत. जाणून घ्या त्यांच्याविषयी नेमकी माहिती.
ADVERTISEMENT
मुंबई: मुंबईत 26 नोव्हेंबर 2008 रोजी जो दहशतवादी हल्ला झाला होता त्याचा प्रमुख सूत्रधार तहव्वूर राणाला अखेर भारतात आणण्यात आलं आहे. याच दहशतवादी हल्ल्यात कसाबला थेट भिडलेले वरिष्ठ पोलीस अधिकारी सदानंद दाते यांच्याच नेतृत्त्वाखाली राष्ट्रीय तपास यंत्रणेने (NIA)ने तहव्वूर राणाला अमेरिकेतून प्रत्यार्पण करून भारतात आणलं आहे. सध्या सदानंद दाते हे NIA चे महासंचालक असून त्यांच्याविषयी आपण सविस्तर जाणून घेऊया.
सदानंद वसंत दाते हे भारतीय पोलीस सेवेतील (IPS) 1991 च्या तुकडीचे महाराष्ट्र कॅडरचे वरिष्ठ अधिकारी आहेत. सध्या ते राष्ट्रीय तपास यंत्रणेचे (NIA) महासंचालक म्हणून कार्यरत असून, त्यांनी आपल्या प्रदीर्घ कारकीर्दीत अनेक महत्त्वाच्या जबाबदाऱ्या यशस्वीपणे पार पाडल्या आहेत. त्यांनी आतापर्यंत अनेक हाय-प्रोफाइल केसेस हाताळल्या आहेत. त्यांच्या कर्तव्यनिष्ठा, धैर्य आणि सचोटीमुळे ते देशातील सर्वात आदरणीय पोलीस अधिकाऱ्यांपैकी एक मानले जातात. जाणून घेऊया त्यांच्या कारकीर्दीविषयी सविस्तरपणे.
हे ही वाचा>> 26/11 हल्ल्यातील आजवरची सर्वात मोठी बातमी, कसाबनंतर आणखी एक आरोपी आता..
वैयक्तिक जीवन आणि शिक्षण
जन्म: 14 डिसेंबर 1966, पुणे, महाराष्ट्र.
शिक्षण: सदानंद दाते यांनी पुणे विद्यापीठातून वाणिज्य शाखेत पदव्युत्तर शिक्षण पूर्ण केलं आहे. त्यांनी याच विद्यापीठातून अर्थशास्त्र विषयात पीएच.डी. मिळवली आहे. याशिवाय, ते इन्स्टिट्यूट ऑफ कॉस्ट अकाउंटंट्स ऑफ इंडियाचे पात्र कॉस्ट आणि मॅनेजमेंट अकाउंटंट आहेत. 1990 साली ते UPSC परीक्षा उत्तीर्ण झाले आणि भारतीय पोलीस सेवेत (IPS) दाखल झाले.
हे वाचलं का?
