अल्पवयीन मुलीचं 7 वर्षे सामूहिक लैंगिक शोषण; नोकरीचं आमिष अन्... भाजप खासदाराच्या माजी पीएसह 7 जणांना अटक
एका अल्पवयीन मुलीवर झालेल्या सामूहिक बलात्कार आणि दीर्घकाळापर्यंत लैंगिक शोषणाचं प्रकरण सध्या चर्चेचा विषय ठरत आहे. पीडितेच्या तक्रारीनंतर दाखल करण्यात आलेल्या एफआयआर आणि आतापर्यंतच्या तपासात बरीच धक्कादायक तथ्ये उघडकीस आली आहेत.
ADVERTISEMENT
बातम्या हायलाइट
अल्पवयीन मुलीचं 7 वर्षे सामूहिक लैंगिक शोषण
नोकरीचं आमिष दाखवून पीडितेसोबत घृणास्पद कृत्य
भाजप खासदाराच्या माजी पीएसह 7 जणांना अटक
Crime News: छत्तीसगढच्या दुर्ग जिल्ह्यातून एक धक्कादायक घटना घडल्याची बातमी समोर आली आहे. एका अल्पवयीन मुलीवर झालेल्या सामूहिक बलात्कार आणि दीर्घकाळापर्यंत लैंगिक शोषणाचं प्रकरण सध्या छत्तीसगडमध्ये चर्चेचा विषय ठरत आहे. पीडितेच्या तक्रारीनंतर दाखल करण्यात आलेल्या एफआयआर आणि आतापर्यंतच्या तपासात बरीच धक्कादायक तथ्ये उघडकीस आली आहेत. नोकरीच्या बहाण्याने पीडितेला सापळ्यात अडकवण्यात आलं आणि धमकी, दबाव तसेच ब्लॅकमेल करून सात वर्षे तिचं शोषण करण्यात आल्याचा आरोप आहे. या काळात सरकारी वाहने आणि विश्रामगृहे वापरण्यात आली होती. पोलिसांनी आतापर्यंत सात आरोपींना अटक केली असून पुरावे गोळा केले जात आहेत. अटक करण्यात आलेल्या आरोपींमध्ये विजय स्वैन, अनिल चौधरी, गोविंद सिंग नागवंशी, कृपा शंकर उर्फ राजू कश्यप, अमित वर्मा, भीमनारायण पांडे आणि संजय पंडित यांचा समावेश असल्याची माहिती आहे.
आरोपांनुसार, एका निवृत्त सार्वजनिक बांधकाम विभागातील कर्मचारी, व्यापारी आणि भाजप खासदाराच्या माजी पीएने तिचं शोषण केलं. तपास यंत्रणा कॉल डिटेल रेकॉर्ड, सीसीटीव्ही फुटेज, वाहन लॉगबुक आणि रेस्ट हाऊस रजिस्टर तपासत आहेत. दोन दिवसांच्या पोलीस कोठडीनंतर, दोन्ही मुख्य आरोपींना न्यायालयीन कोठडीत पाठवण्यात आलं असून जप्त केलेली वाहने आणि मोबाईल फोन फॉरेन्सिक तपासणीसाठी पाठवण्याची प्रक्रिया सुरू आहे. पोलिसांच्या म्हणण्यानुसार, पुराव्यांच्या आधारे तपास पुढे जाईल आणि कोणत्याही गुन्हेगाराला सोडलं जाणार नाही.
महिला पोलीस ठाण्यात दाखल केलेल्या तक्रारीनुसार, पीडिता 2018 मध्ये तिच्या आईसोबत दुर्गमध्ये आली होती. तिच्या आईला घरकाम देण्यात आलं होतं आणि राहण्यासाठी निवासस्थाने देखील उपलब्ध करून देण्यात आली होती. या काळात विभागाशी संबंधित काही लोकांनी तिला धमकावून बलात्कार केल्याचा आरोप आहे. नंतर, पीडितेला नोकरीचं आमिष दाखवून विविध ठिकाणी, विशेषतः रेस्ट हाऊसमध्ये नेण्यात आलं. तिच्यावर बऱ्याचदा सामूहिक बलात्कार करण्यात आला आणि तिने विरोध केल्यास बदनामीची धमकी देण्यात आल्याचा पीडितेने आरोप केला.
हे ही वाचा: असं काय झालं की, कुणाल कामरा थेट सुषमा अंधारेंसोबत विधानभवनात पोहोचला... टीशर्टने वेधलं लक्ष!
एफआयआरनुसार, 2018 ते 2025 दरम्यान दुर्ग, उतई, पाटण आणि कवर्धा यासह विविध ठिकाणी हे गुन्हे घडले. पीडितेचा दावा आहे की आरोपींनी तिला त्यांच्या पदाचा वापर करून धमकावलं आणि तिला गप्प राहण्यास भाग पाडलं. त्यांनी व्हॉट्सअॅपवर फोटो आणि व्हिडिओची मागणी करून ते व्हायरल करण्याची धमकी दिली. पोलीस आता डिजिटल पुरावे तपासत असून कॉल डिटेल विश्लेषण करत असल्याची माहिती आहे.
हे वाचलं का?
