रात्रपाळीला गेलेला पती घरी परतला अन् हादरलाच, भिवंडीत तीन मुलांसह पत्नीने संपवलं आयुष्य...

हेही वाचा : 'हा बघा कोयता गँगचा कालचा थरार..' रोहित पवारांनी थेट दाखवला Video, काका अजित पवारांना घेरलं

काय होतं नेमकं प्रकरण?

पती लालजी भरती हा यंत्रमाग कामगार आहे. तो आज सकाळी त्याची नाईट शिफ्ट संपवून घरी गेला. त्यानंतर तो बराच वेळ दरवाजा ठोठावत होता. मात्र, कोणीही दार उघडलं नाही? त्यामुळे त्याला काहीशी शंका आली. म्हणून त्याने घराच्या एका छोट्या खिडकीतून आत डोकावून पाहिले. त्यावेळी त्याच्या पायाखालची जमीनच सरकली.

आतील दृश्य पाहून लालजीने अक्षरश: हंबरडा फोडला. कारण त्यावेळी घराच्या छताच्या लोखंडी हँगरला पत्नी आणि मुलांसह चारही जणांचे मृतदेह लटकलेले होते. यानंतर बीट मार्शल पोलीस घटनास्थळी दाखल झाले. त्यानंतर महिला पोलीस अधिकाऱ्यांनीही घटनास्थळी धाव घेतली. ज्यानंतर लोखंडी हँगरला लटकवण्यात आलेले सर्व मृतदेह खाली उतरविण्यात आले आणि शवविच्छेदनासाठी त्यांना इंदिरा गांधी स्मृती उपजिल्हा रुग्णालयात पाठविण्यात आलं.

हेही वाचा : लग्नाच्या वरातीत बंदूक घेऊन जल्लोष, गोळी सुटली अन् थेट नवरदेवाला लागली, प्रकरण काय?

सुसाईड नोटमध्ये काय?

दरम्यान, आत्महत्येपूर्वी पुनिता हिने सुसाईड नोट देखील लिहिली होती. जी पोलिसांच्या हाती लागली आहे. याच सुसाईड नोटमध्ये आत्महत्येसाठी कोणालाही जबाबदार धरू नये असं लिहिल आहे.

मात्र, असं असलं तरीही एकाच वेळी चार जणांनी आत्महत्या करण्याचं नेमकं कारण काय? असा सवाल उपस्थित होत आहे. पण, अद्यापही त्यामागील ठोस कारण समोर आलेलं नाही. सध्या पोलीस या प्रकरणाचा सर्व दिशेने तपास करत आहेत.