सुनेचा मृतदेह पाहाताच मोठा धक्का बसला, सासूनेही जागेवर जीव सोडला, संपूर्ण गाव हळहळलं
daughter in law corpse shock woman also died : सुनेचा मृतदेह पाहाताच मोठा धक्का बसला, सासूनेही जागेवर जीव सोडला, संपूर्ण गाव हळहळलं
ADVERTISEMENT
बातम्या हायलाइट
सुनेचा मृतदेह पाहाताच मोठा धक्का बसला
सासूनेही जागेवर जीव सोडला, संपूर्ण गाव हळहळलं
daughter in law corpse shock woman also died : सुनेचा आजाराने मृत्यू झाल्यानंतर तिच्या मृतदेहावर नजर पडताच सासूला एवढा जबर धक्का बसला की काही क्षणातच तिचाही मृत्यू झाला. या दुर्दैवी घटनेमुळे संपूर्ण गावात शोककळा पसरली असून दोघींच्या अंत्ययात्रा एकाच घरातून एकाच वेळी निघाल्याने पाहणाऱ्यांच्या डोळ्यातून अश्रू वाहू लागले. अजमेर जिल्ह्यातील सरवाड कसब्यात घडलेली ही घटना हृदयद्रावक आहे. सासू-सुनेच्या मृत्यूमुळे संपूर्ण गावाने हळहळ व्यक्त केली आहे.
सासू-सुनेच्या मृत्यूमुळे संपूर्ण गाव हळहळलं
अधिकची माहिती अशी की, अजमेर जिल्ह्यातील सरवाड येथील नाथ मोहल्ल्यात सुनील भटनागर यांचे कुटुंब राहते. सुनील यांच्या पत्नी अनिता भटनागर (वय 42) गेल्या काही दिवसांपासून आजारी होत्या. त्यांच्यावर भीलवाडा येथील महात्मा गांधी रुग्णालयात उपचार सुरू होते. मात्र, मंगळवारी सायंकाळी अनिताची प्रकृती अचानक बिघडली आणि त्यांनी रुग्णालयात अखेरचा श्वास घेतला. रात्री उशिरा त्यांचा मृतदेह अँब्युलन्समधून सरवाड येथे आणण्यात आला.
हेही वाचा : '...नाहीतर धाराशिवमध्ये येऊ देणार नाही', ठाकरेंच्या आमदाराने मंत्री प्रताप सरनाईकांची गाडी अडवून जाब विचारला
घरात अनीताचा मृतदेह पोहोचताच त्यांच्या सासू अन्नपूर्णा देवी (वय 70) सुनेला पाहून शोकाकुल झाल्या. त्या सुनेच्या पार्थिव देहाजवळ बसून रडत होत्या. घरच्यांनी त्यांना सावरण्याचा प्रयत्न केला, पण अचानक त्या भोवळ येऊन पडल्या. कुटुंबीयांनी तात्काळ त्यांना जवळच्या रुग्णालयात नेले, मात्र डॉक्टरांनी तपासून त्यांना मृत घोषित केले.
हे वाचलं का?
