नाशिक: 'अशोक खरात' सारखं आणखी एक घाणेरडं कांड! 63 वर्षीय वृद्धाचे महिलांसोबतचे 121 अश्लील व्हिडिओ
Nashik Sex Racket: एकीकडे अशोक खरात प्रकरणामुळे नाशिकमध्ये खळबळ उडालेली असताना आता पुन्हा एकदा नाशिकमधील एका व्यक्तीचे तब्बल 121 अश्लील व्हिडिओ सापडल्याची घटना समोर आली आहे.
ADVERTISEMENT
प्रवीण ठाकरे, नाशिक: नाशिकमधील खंडणीच्या प्रकरणात एक मोठे वळण आले आहे. 121 अश्लील व्हिडिओ सापडल्यानंतर तक्रारदार रवींद्र एरंडे यांच्या विरोधात लैंगिक छळ, आयटी कायदा आणि अत्याचार कायद्यांतर्गत गुन्हा दाखल करण्यात आला आहे. एका महिलेच्या तक्रारीवरून आरोपीला अटक करण्यात आली असून, न्यायालयाने त्याला दोन दिवसांची पोलीस कोठडी सुनावली आहे. या सगळ्या प्रकरणात पोलिसांना मोठ्या सेक्स स्कँडलचा संशय आहे.
नाशिकमधून समोर आलेले भोंदूबाबा अशोक खरात प्रकरण आता देशातील सर्वात मोठ्या लैंगिक आणि ब्लॅकमेलिंग प्रकरणांपैकी एक मानले जात आहे. या प्रकरणामुळे राजकीय वादळ निर्माण झाले आहे. दरम्यान, नाशिकमधून आणखी एक धक्कादायक सेक्स स्कँडल समोर आलं आहे, ज्यामध्ये 121 अश्लील व्हिडिओ सापडले आहेत.
नेमकं प्रकरण काय?
खरं तर, सातपूर भागातील खंडणीच्या प्रकरणाने एक धक्कादायक वळण घेतले आहे. 2 एप्रिल रोजी तक्रार दाखल करणारे 63 वर्षीय व्यक्ती आता एका मोठ्या लैंगिक गैरव्यवहार प्रकरणात आरोपी बनले आहेत. पीडितेच्या तक्रारीच्या आधारे, आरोपी रवींद्र एरंडे याच्यावर लैंगिक शोषण, माहिती तंत्रज्ञान कायदा आणि अत्याचार कायद्यांतर्गत गंभीर आरोप दाखल करण्यात आले आहेत. पोलिसांनी त्याला अटक केली असून, या प्रकरणामुळे संपूर्ण शहरात खळबळ उडाली आहे.
हे ही वाचा>> अशोक खरातच्या HIV टेस्टचा रिपोर्ट आला समोर, स्वत:च्या ऑफिसमध्ये शेकडो महिलांसोबत करायचा नको ते!
मिळालेल्या वृत्तानुसार, आरोपी रवींद्र एरंडे याने 2 एप्रिल रोजी चार जणांविरुद्ध तक्रार दाखल केली होती. त्यांचे खाजगी व्हिडिओ व्हायरल करण्याची धमकी देऊन त्याच्याकडून पैशांची मागणी केल्याचा आरोप त्याने केला होता. पोलिसांनी तपास करून चार आरोपींना अटक केली, परंतु पुढील तपासाला एक वेगळेच वळण लागले.
