“काकी, वहिनी तर तुझ्या गर्लफ्रेंड्स... “ बायकोचे ‘ते’ शब्द मनाला टोचले अन् विष पिऊन... सोशल मीडियावर लिहिली ‘ती’ गोष्ट..

पत्नीसोबत सतत वाद... 

हे प्रकरण भरतपूर जिल्ह्यातील उच्चैन पोलीस स्टेशन परिसरात घडल्याचं समोर आलं आहे. येथे विष्णू नावाचा एक तरुण त्याच्या कुटुंबासोबत राहत होता. विष्णूने दिलेल्या माहितीनुसार, त्याचे त्याच्या पत्नीशी सतत वाद होत असायचे. यामुळे वैतागलेल्या विष्णूने अचानक विष प्राशन करत स्वत:चं आयुष्य संपवलं.

विष्णूने विष प्राशन केल्यानंतर त्याची तब्येत अचानक बिघडली. त्यावेळी विष्णूच्या पत्नीला काहीच सुचत नव्हतं. पतीची प्रकृती गंभीर असल्याचं पाहून तिने आरडाओरड करत शेजारील लोकांची मदत मागितली आणि आवाज ऐकून परिसरातील लोक विष्णूच्या घरी पोहोचले. त्यानंतर, त्याला ताबडतोब भरतपूरच्या आरबीएम रुग्णालयात नेण्यात आलं. मात्र, उपचारादरम्यान त्याचा मृत्यू झाला.

हे ही वाचा: निसर्गापुढे देवाचीही शरणांगती, गणेशोत्सवाच्या तोंडावर गणेश मूर्ती पाण्याखाली, मूर्तीकारांच्या अश्रूंचा बांधा फुटला

सोशल मीडियावर सांगितलं आत्महत्येमागचं कारण.. 

याबाबत तात्काळ पोलिसांना माहिती देण्यात आली. घटनेची माहिती मिळताच पोलीस घटनास्थळी पोहचले आणि त्यांनी मृतदेह ताब्यात घेतला. त्यानंतर मृतदेह पोस्टमॉर्टमसाठी पाठवण्यात आला. प्रकरणाचा तपास सुरू असताना विष्णूने सोशल मीडियावर एक पोस्ट शेअर केली आणि त्यात त्यानं आत्महत्येचे कारण सांगितले असल्याचं आढळून आलं. त्या पोस्टमध्ये लिहिलं होतं की, “माझी बायको माझी सतत बदनामी करते. मी जसा साधा दिसतो तसा अजिबात नाही, असं ती म्हणते. तिच्या मते, माझे माझ्या काकी आणि वहिनीसोबत प्रेमसंबंध आहेत आणि त्यांच्यासोबत माझे अनैतिक संबंध सुरू आहेत. पण हे अजिबात खरं नाही.”

हे ही वाचा: मुलगी रात्री शेतात बॉयफ्रेंडसोबत... मुलीच्या शोधात वडील पोहोचले अन् नंतर खोट्या अभिमानासाठी मर्यादाच सोडल्या

विष्णूने पुढे पोस्टमध्ये लिहिले की, “माझ्या पत्नीच्या या खोट्या आरोपांना मी वैतागलो होतो. म्हणूनच आज मी आत्महत्या करणार आहे.” पोलिसांनी सोशल मीडियावरील या पोस्टच्या आधारे प्रकरणाचा तपास सुरू केला आहे.