Crime: पतीची हत्या अन् नंतर बनवला कढी-भात.. बँक मॅनेजरच्या विकृत पत्नीचं भयंकर कृत्य!
आग्रा येथील बँक मॅनेजरच्या पत्नीने शांत डोक्याने हत्या केली. त्यानंतर पतीचा मृतदेह घरात 17 तास लपवून ठेवून मोलकरणीला कढी भात आणि चपात्याही करायला सांगितल्या. मात्र त्यानंतर ही घटना पोलिसांना समजताच पत्नी फरार झाली आणि शवविच्छेदनाच्या अहवालानंतर धक्कादायक माहिती उघड झाली आहे. त्यामुळेच पोलिसांच्यामुळे पत्नी फरार असल्याचा आरोप बँक मॅनेजरच्या कुटुंबीयांनी केला आहे.
ADVERTISEMENT
Bank Manager Murder: आग्रा येथील बँक मॅनेजर हत्या (Murder) प्रकरणाला 12 दिवस उलटून गेल्यानंतर काही धक्कादायक गोष्टी आता समोर आल्या आहेत. आग्रा येथील रामरघु एक्झोटिका कॉलनीतील बँक मॅनेजर सचिन उपाध्याय (Sachin Uadhyay) यांच्या हत्येनंतर काही अनेक नवे खुलासे झाल्याने अनेकांनी आश्चर्य व्यक्त केले आहे. या हत्येतील धक्कादायक बाब ही आहे की, बँक मॅनेजरच्या मृतदेहाचे पोस्टमॉर्टम (Post mortem) करुनही 4 दिवसानंतर गुन्हा दाखल करण्यात आला नव्हता.(bank manager murdered by his wife in agra, body hid for 17 hours)
पोलिसांचा निष्काळजीपणा
बँक मॅनेजरची हत्या झाल्यानंतर पोलिसांमुळे आणि त्यांच्या निष्काळजीपणामुळेच आरोपी पळून गेल्याचा आरोप केला जात आहे. त्यामुळेच आतापर्यंत एकाचा आरोपीला ताब्यात घेण्यात आल्याचा आरोप सचिन उपाध्याय यांच्या कुटुंबीयांनी केला आहे.
आत्महत्या आहे तर जखमा कशा?
सचिन उपाध्याय यांच्या हत्येच्या प्रकरणातील मुख्य आरोपी ही सचिन उपाध्याय यांची पत्नी प्रियंका आणि इतर आरोपी अजूनही फरार आहेत. 12 ऑक्टोबर रोजी सचिन उपाध्याय यांच्या आत्महत्येची माहिती मिळाल्यानंतर पोलिसांनी घटनास्थळाची पाहणी केली. त्यावेळी सचिनच्या शरीरावर जखमा आणि भाजलेल्या खाणाखुणाही दिसून येत होत्या. तर त्यांच्या मानेवरही काही जखमा झाल्या होत्या असंही पोलिसांनी नमूद केले होते.
हे ही वाचा >> क्रुरतेची हद्द! जमिनीचा वाद, ट्रॅक्टरखाली 8 वेळा चिरडले, वाचवण्याऐवजी लोकं व्हिडीओ करण्यात दंग
मुख्य आरोपी पत्नी
सचिन यांचा मृतदेह सापडल्यानंतरही पोलिसांच्या हलगर्जीपणामुळेच या हत्येचं प्रकरण उघड झालं नाही. मृतदेह मिळूनही 7 दिवसांनी पोलिसात गुन्हा दाखल केला होता. तर सचिन यांची पत्नी प्रियांका उर्फ मोनाने सचिन आणि त्यांच्या कुटुंबीयांविरोधात हुंड्यासाठी आपला छळ केला जात असल्याची तक्रार महिला पोलीस ठाण्यात दाखल केली होती. मात्र त्यानंतर सचिन यांचा मृतदेह सापडूनही त्यानंतर पोलिसांनी प्रियांकाला अटक केली नाही.
हे वाचलं का?
