मला नोरा फतेहीसारखीच फिगर पाहिजे, पतीची पत्नीकडे मागणी, नंतर रोज तीन तास....पत्नीने गाठलं पोलीस स्टेशन

हे ही वाचा : बेस्ट निवडणुकीत ठाकरे ब्रँड फेल.. साधा भोपळाही फोडला नाही, महापालिका निवडणुकीआधी ठाकरे बंधूंना मोठा झटका

नेमकं प्रकरण काय? 

घडलेल्या घटनेनुसार, ही घटना मुरादनगर येथील असून तरुणीचा विवाह फिजिकल टिचरसोबत मार्च महिन्यात झाला होता. मुलीने आरोप केला की, तिच्या वडिलांनी तिला 24 लाख रुपयांची महिंद्रा स्कॉर्पिओ, लाखो रुपये आणि दागिने भेट दिले होते. लग्नात 75 लाख खर्च करण्यात आला. हा खर्च करूनही तरुणीचा छळ करण्यात आल्याचा आरोप आहे. 

पत्नीने आरोप केला की, पतीने लग्नाच्या पहिल्याच रात्री माझा नवरा माझ्यासोबत झोपला नाही. लग्नापासून माझ्या नवऱ्याचा माझ्याशी असलेला दृष्टीकोन चांगला नाही. माझी उंची फार नाही, माझी फिगर आकर्षक नसून मी दिसायलाही फारशी सुंदरही नाही, यामुळेच मला तो मला रोजच टोमणे मारायचा. त्याच्या कुटुंबातील सदस्यही माझ्याकडून जास्तच हुंडा मागायचे. माझा नवरा मला म्हणायचा की, माझ्याशी विवाह करून माझे आयुष्य उद्ध्वस्त केले. तो म्हणायचा की मला चांगली नोरा फतेहीसारखी मुलगी मिळाली असती. 

नोरा फेतेहीसारखी फिगर बनवण्याचा नवऱ्याकडून दबाव 

मला नवऱ्याने नोरा फतेहीसारखी फिगर बनव असा अनेकदा दबाव आणला. मी व्यायाम केला नाही,तर माझं जेवण बंद केलं. नंतर विवाहित महिलेनं आरोप केला की, जेव्हा पती एका महिलेसोबत बोलत असताना अनेकदा विरोध केला असता, उलट पतीनेच मारहाण केली. 

हे ही वाचा : Pune Crime : अल्बममध्ये काम देतो असं सांगितलं, घाटात शूटींगही झालं, नंतर फ्लॅटवर नेत तोडले लचके अन्...

त्यानंतर पीडितेनं अनेक धक्कादायक आरोप केले की, जेव्हा तिला तिच्या गरोदरपणाबाबत तिच्या सासूला कळवले. पण सासूने सूनेकडे म्हणजेत पीडित महिलेकडे कसलंही लक्ष दिलं नाही. पतीनेच आपल्या बायकोला एक गर्भपाताची गोळी दिला, त्यानंतर पीडितेला याबाबत माहिती कळाली. जेव्हा पीडितेची तब्येत बिघडली असता, तिच्या कुटुंबाने तिला माहेरी आणले. तिची प्रकृती पाहून तिला रुग्णालयात दाखल करण्यात आले   

जुलै महिन्यात पीडित महिला आपल्या शेवटच्या आठवड्यात कुटुंबासह तिच्या सासरच्या घरी गेली. त्यानंतर तिला घरात प्रवेश देण्यास नकार दिला. त्यानंतर पीडितेनं पोलीस ठाण्यात हुंड्यासाठी छळाविषयी गुन्हा दाखल करण्यात आला आहे.