बहिणीच्या प्रेम प्रकरणाला आई-वडिलांचा पाठिंबा; संतापलेल्या भावाने तिघांना संपवलं; मृतदेह भाड्याच्या घरात पुरला
Crime News Marathi : पोलिसांनी दिलेल्या माहितीनुसार, अक्षय असे आरोपीचे नाव असून त्याने वडील भीमराज, आई जयलक्ष्मी आणि बहिण अमृता यांची निर्दयपणे हत्या केली. हत्या केल्यानंतर पुरावे नष्ट करण्याच्या उद्देशाने अक्षयने भाड्याच्या घरातील एका खोलीत खड्डा खोदून तिन्ही मृतदेह तेथेच पुरले. ही अमानवी कृत्ये करून तो थेट बेंगळुरूकडे फरार झाला.
ADVERTISEMENT
बातम्या हायलाइट
बहिणीच्या प्रेम प्रकरणाला आई-वडिलांचा पाठिंबा;
संतापलेल्या भावाने तिघांना संपवलं;
मृतदेह भाड्याच्या घरात पुरला
Crime News Marathi : कर्नाटकच्या विजयनगर जिल्ह्यातील कोट्टुरुमधून मानवतेला काळिमा फासणारी एक धक्कादायक घटना समोर आली आहे. एका तरुणाने आपल्या आई-वडिलांसह सख्ख्या बहिणीची निर्घृण हत्या करून त्यांचे मृतदेह घरातच पुरल्याचा प्रकार उघडकीस आला आहे. ही घटना 27 जानेवारी रोजी घडली असली, तरी आरोपीने स्वतः पोलिसांसमोर आत्मसमर्पण केल्यानंतरच या भीषण गुन्ह्याचा पर्दाफाश झाला.
पोलिसांनी दिलेल्या माहितीनुसार, अक्षय असे आरोपीचे नाव असून त्याने वडील भीमराज, आई जयलक्ष्मी आणि बहिण अमृता यांची निर्दयपणे हत्या केली. हत्या केल्यानंतर पुरावे नष्ट करण्याच्या उद्देशाने अक्षयने भाड्याच्या घरातील एका खोलीत खड्डा खोदून तिन्ही मृतदेह तेथेच पुरले. ही अमानवी कृत्ये करून तो थेट बेंगळुरूकडे फरार झाला.
घटनेतील सर्वात धक्कादायक बाब म्हणजे, बेंगळुरूला पोहोचल्यानंतर अक्षयने तिलकनगर पोलीस ठाण्यात आपल्या कुटुंबीयांच्या बेपत्ता झाल्याची तक्रार दाखल करण्याचा प्रयत्न केला. मात्र पोलिसांनी संशयाच्या आधारे त्याची कसून चौकशी केली असता, त्याने अखेर आपला गुन्हा कबूल केला. सुरुवातीला पोलिसांची दिशाभूल करत त्याने मृतदेह संदूर परिसरात फेकल्याचे सांगितले. मात्र पुढील चौकशीत त्याने मृतदेह घरातच पुरल्याची कबुली दिली. त्यानंतर पोलिसांनी कोट्टुरु येथे जाऊन घराची झडती घेतली असता, खोदकाम करून तिन्ही मृतदेह बाहेर काढण्यात आले.
हे वाचलं का?
