गर्लफ्रेंडला व्हिलामध्ये बोलावून गुलाबी गोळी दिली, अन् नंतर सामुहिक बलात्कार, आता आरोपी म्हणतात, 'तिला शुगर डॅडी...'
Crime News : मूळची तामिळनाडूची असलेली ही तरुणी बेंगळुरूमध्ये बीएच्या पहिल्या वर्षात शिकत आहे. तिने नोंदवलेल्या एफआयआरनुसार, जानेवारी महिन्यात तिची ओळख इंस्टाग्रामवर डिक्सन सांडो नावाच्या 21 वर्षीय तरुणाशी झाली होती. 14 फेब्रुवारीच्या रात्री डिक्सनने तिला उत्तर बेंगळुरू येथील एका खासगी व्हिलामध्ये पार्टीसाठी बोलावले. तिथे तिची ओळख निखिल नावाच्या व्यक्तीशी करून देण्यात आली.
ADVERTISEMENT
बातम्या हायलाइट
गर्लफ्रेंडला व्हिलामध्ये बोलावून गुलाबी गोळी दिली, अन् नंतर सामुहिक बलात्कार
आता आरोपी म्हणतात, 'तिला शुगर डॅडी...'
Crime News : बंगळुरु येथील एका आलिशान व्हिलामध्ये 19 वर्षीय महाविद्यालयीन तरुणीवर झालेल्या कथित सामूहिक बलात्कार प्रकरणाला आता एक नवे आणि गुंतागुंतीचे वळण मिळाले आहे. या प्रकरणात धक्कादायक बाब अशी समोर आली आहे की, पीडितेने पोलिसांत धाव घेण्याच्या एक दिवस आधीच एका आरोपीने तिच्याविरुद्ध खंडणी मागितल्याची तक्रार दाखल केली होती. या आरोपीच्या दाव्यानुसार, संबंधित तरुणी आणि एका प्रादेशिक वृत्तवाहिनीचा पत्रकार असल्याचे सांगणाऱ्या व्यक्तीने त्याला बदनाम करण्याची धमकी देऊन पैशांची मागणी केली होती. सध्या बेंगळुरू पोलीस या दोन्ही परस्परविरोधी तक्रारींची सखोल चौकशी करत असून, नेमकी घटना काय घडली याचा शोध घेत आहेत.
मूळची तामिळनाडूची असलेली ही तरुणी बेंगळुरूमध्ये बीएच्या पहिल्या वर्षात शिकत आहे. तिने नोंदवलेल्या एफआयआरनुसार, जानेवारी महिन्यात तिची ओळख इंस्टाग्रामवर डिक्सन सांडो नावाच्या 21 वर्षीय तरुणाशी झाली होती. 14 फेब्रुवारीच्या रात्री डिक्सनने तिला उत्तर बेंगळुरू येथील एका खासगी व्हिलामध्ये पार्टीसाठी बोलावले. तिथे तिची ओळख निखिल नावाच्या व्यक्तीशी करून देण्यात आली. पीडितेचा आरोप आहे की, या दोघांनी तिला जबरदस्तीने एक अमली पदार्थ (गुलाबी गोळी) खाऊ घातला, ज्यामुळे ती बेशुद्ध पडली. या अवस्थेत तिच्यावर सामूहिक बलात्कार करण्यात आला आणि कोणाला काही सांगितल्यास जीवे मारण्याची धमकी देण्यात आली. प्रकृती बिघडल्यानंतर 17 फेब्रुवारी रोजी तिने रुग्णालयात उपचार घेतले आणि त्यानंतर आपल्या भावाला या घटनेची माहिती दिली.
दुसरीकडे, या प्रकरणातील एका आरोपीने 21 फेब्रुवारी रोजी पोलिसांत दिलेल्या तक्रारीत वेगळाच दावा केला आहे. त्याने सांगितले की, डिक्सनने व्हॅलेंटाईन डेच्या पार्टीसाठी त्याचा व्हिला भाड्याने घेतला होता. पार्टी संपल्यानंतर त्याने तरुणीला तिच्या घरी सोडण्यासाठी लिफ्ट दिली, तेव्हा तिने स्वतःला 'शुगर बेबी' संबोधून आर्थिक फायद्यासाठी संबंध जोडण्याची विचारणा केली. त्यानंतर 18 फेब्रुवारीला तिने इंस्टाग्रामवर बलात्काराचे आरोप करणारी पोस्ट टाकली. यानंतर लगेचच 'राज न्यूज'चा क्राईम हेड इमरान असल्याचे सांगणाऱ्या एका व्यक्तीने त्याला फोन करून हे प्रकरण मिटवण्यासाठी तरुणीला मोठी रक्कम देण्याची धमकी दिली, अन्यथा टीव्हीवर बातमी प्रसारित केली जाईल असा इशारा दिला.
हे वाचलं का?
