लग्नाची मागणी घालण्यास गेला तरुण, कुटुंबियांनी बेदम मारहाण करत संपवलं

Crime News : मुलीच्या घरी लग्नाची मागणी घातल्यानंतर तिच्या कुटुंबियांनी तरुणाला बेदम मारहाण केली. या मारहाणीत तरुणाचा दुर्दैवी मृत्यू झाल्याची घटना आहे.

ADVERTISEMENT

Crime News
Crime News
Google CTA
▌

बातम्या हायलाइट

point

अभिनवचा लग्नाचा प्रस्ताव

point

मुलीच्या कुटुंबियांकडून तरुणाला मारहाण 

Crime News : दिल्लीच्या मधु विहार परिसरात मारहाण झाल्याने एका तरुणाचा मृत्यू झाला आहे. मृत तरुणाची ओळख अभिनव, उत्तर प्रदेशातील गाझीपूरचा रहिवासी अशी ओळख पटली आहे. असा आरोप आहे की, 7 नोव्हेंबर रोजी अभिनव एका मुलीच्या घरी गेला होता. लग्नाचा प्रस्ताव दिल्यानंतर, तिच्या वडिलांनी आणि शेजाऱ्यांनी त्याला कथितरित्या बेदम मारहाण केली. त्याला गंभीर अवस्थेत रुग्णालयात दाखल करण्यात आले होते आणि 14 नोव्हेंबर रोजी उपचारादरम्यान त्याचा मृत्यू झाला.

हे ही वाचा : लग्नाचे आमिष दाखवून 14 महिलांची फसवणूक, शारीरिक अन् आर्थिक शोषण..

अभिनवचा लग्नाचा प्रस्ताव

मिळालेल्या माहितीनुसार, अभिनव मूळचा उत्तर प्रदेशातील गाझीपूरचा होता आणि चेन्नईमध्ये काम करत होता. 7 नोव्हेंबर रोजी तो चेन्नईहून दिल्लीत आला. त्यानंतर तो पूर्व दिल्लीतील मधु विहार परिसरात राहणाऱ्या एका मुलीच्या घरी गेला. मिळालेल्या माहितीनुसार, अभिनव एक सोशल मीडिया इन्फ्लुएन्सर होता. तिथे पोहोचल्यावर अभिनवने तिला लग्नाचा प्रस्ताव दिला.

मुलीच्या कुटुंबियांकडून तरुणाला मारहाण 

असा आरोप आहे की, अभिनवच्या प्रस्तावामुळे मुलीचे कुटुंबीय संतप्त झाले. यानंतर, मुलीचे वडील आणि कुटुंबातील इतर सदस्यांनी त्याला मारहाण करण्यास सुरुवात केली. याच दरम्यान, काही शेजारीसुद्धा कथितरित्या भांडणात सामील झाले. त्यांनी मिळून अभिनवला बेदम मारहाण केली, ज्यामुळे तो गंभीर जखमी झाला. या घटनेनंतर त्याला उपचारासाठी रुग्णालयात दाखल करण्यात आले.

हे ही वाचा : धाराशिव : प्रेमप्रकरणातून नात्याचा रक्तरंजित शेवट, पतीची निर्घृणपणे हत्या

अभिनववर रुग्णालयात उपचार सुरू होते, परंतु त्याच्या प्रकृतीत सुधारणा झाली नाही. अखेरीस 14 नोव्हेंबर रोजी उपचारादरम्यान त्याचा मृत्यू झाला. त्या तरुणाच्या मृत्यूमुळे परिस्थिती आणखी चिघळली. यानंतर पोलिसांनी एफआयआर नोंदवून तपास सुरू केला. पोलिसांनी मुलीच्या वडिलांसह काही आरोपींना अटक करून तुरुंगात पाठवले.