2 महिन्यांवरती आलं होतं शिक्षिकेचं लग्न, शाळेतून घरी जात असताना चेहऱ्यावर फेकलं अॅसिड, कुटुंबियांनी सांगितला धक्कादायक प्रकार

हे ही वाचा : पुणे हादरलं! कोंढव्यात पैशांवरून वाद, घरात घुसून वडिलांना शिवीगाळ, भांडण सोडवणाऱ्या शाळकरी मुलावर सपासप वार

शिक्षिकेवर तरुणाकडून अॅसिड हल्ला 

दुचाकीवरून हेल्मेट घातलेल्या एका तरुणाने शिक्षिकेच्या चेहऱ्यावर आणि पोटावर अॅसिडने हल्ला केला असता, शिक्षिका जागीच कोसळली. स्थानिकांनी आरडाओरड केली आणि अॅसिड हल्लेखोराने घटनास्थळावरून पळ काढला होता. अशा स्थितीत, एका वृद्ध स्थानिक व्यक्तीने शिक्षिकेला उचलून नेले. शिक्षिकेनं तिच्या कुटुंबाला अॅसिडने केलेल्या हल्ल्याची माहिती दिली. त्यानंतर कुटुंबियांनी भाजलेल्या शिक्षिकेला संभळ जिल्ह्यातील जिल्हा रुग्णालयात नेले.

दरम्यान, नखासा पोलीस ठाणे परिसरातील संभळ जिल्हा रुग्णालयात दाखल करण्यात आले होते. पोलिसांनी अॅसिड हल्ल्यात भाजून निघालेल्या शिक्षिकेनं आपला जबाब नोंदवला आहे. पीडित तरुणी ही तब्बल 25 टक्के भाजून निघाली आहे. प्राथमिक उपचारानंतर शिक्षिकेला उच्च रुग्णालयात पाठवण्यात आले आहे.

शिक्षिकेचं दोन महिन्यावर आले होतं लग्न 

अॅसिड हल्ल्यात भाजून निघालेल्या शिक्षिकेचं लग्न दोन महिन्यावर आले होते. शिक्षिकेच्या म्हणण्यानुसार, पीडितेवर हल्ला करणाऱ्या तरुणाला यापूर्वी कधीही पाहिलं नाही. पोलीस सध्या या प्रकरणाच्या प्रत्येक बाजूने तपास करत आहेत.