Ujjain Rape : बलात्कार झाला… रक्ताने माखलेलं तिला पाहून पत्नीला बोलवायला गेला अन्..
मध्य प्रदेशमध्ये भोलेनाथाच्या प्रसिद्ध महाकाल नगरीत माणुसकीला काळीमा फासणारा एक क्रूर प्रसंग घडला आहे. उज्जैनसारख्या धार्मिक ठिकाणी घडलेल्या पीडित मुलीवरील बलात्कार प्रकरणाने संपूर्ण भारताला अस्वस्थ केलं आहे. या पीडित अल्पवयीन मुलीचं वय 12 वर्ष आहे.
ADVERTISEMENT
Ujjain Rape Case : मध्य प्रदेशमध्ये भोलेनाथाच्या प्रसिद्ध महाकाल नगरीत माणुसकीला काळीमा फासणारी एक क्रूर घटना घडली आहे. उज्जैनसारख्या धार्मिक ठिकाणी घडलेल्या पीडित मुलीवरील बलात्कार प्रकरणाने संपूर्ण भारताला अस्वस्थ केलं आहे. या पीडित अल्पवयीन मुलीचं वय 12 वर्ष आहे. आता पीडितेला पहिल्यांदा भेटलेल्या व्यक्तींनी याबाबत माहिती दिली आहे. या प्रकरणाशी संबंधित सीसीटीव्ही फुटेजमध्ये दिसणाऱ्या राजेशला, पहिल्यांदा ही पीडिता अल्पवयीन मुलगी रक्ताने माखलेली, अर्धनग्न अवस्थेत दिसली होती. (Crime Story Ujjain Rape Case eyewitness statements)
शहरातील तिरुपती ड्रीम्स कॉलनीत राहणारा राजेश म्हणाला की, “मी एक शेतकरी आहे आणि दररोज पहाटे साडेपाच वाजता उठतो. मंगळवारी (26 सप्टेंबर) सकाळी मला जाग येताच घराचे गेट उघडले असता समोरून अर्धनग्न मुलगी रडताना दिसली. मी तिला विचारले काय झाले बेटा? तिने काहीतरी सांगण्याचा प्रयत्न केला. पण मला तिची भाषा समजत नव्हती.
छगन भुजबळ शरद पवारांना तुरुंगातून करायचे ब्लॅकमेल; रमेश कदमांनी टाकला ‘बॉम्ब’
मी लगेच आत जाऊन पत्नीला उठवलं आणि सांगितलं की एक मुलगी अर्धनग्न अवस्थेत बाहेर फिरत आहे. तू बाहेर चल. मात्र, आम्ही दोघंही घरातून बाहेर आलो तोपर्यंत मुलगी तिथून निघून गेली होती. ती कोणत्या मार्गाने गेली? कुठे गेली? याबद्दल काहीही माहिती नाही. खरं तर मला एका कार्यक्रमासाठी नलखेडा येथे जायचं होतं म्हणूनच मी मोटारसायकलवरून उज्जैनला निघालो.’
पीडितेला मदत करणारा दुसरा व्यक्ती काय म्हणाला?
आणखी एक मदत करणारे प्रत्यक्षदर्शी, आचार्य राहुल शर्मा म्हणाले, “काही आपत्कालीन परिस्थितीमुळे मला गुरुकुलाबाहेर जावे लागले. या वेळी एक अस्वस्थ मुलगी या वाटेने बडनगर भागाच्या दिशेने जात असल्याचे मला दिसले. मी पाहिले की मुलगी अर्धनग्न होती. ती अंग झाकण्याचा प्रयत्न करत होती. मी तिला लगेच माझ्याकडचा कपडा दिला. ज्याने तिने आपले शरीर झाकले आणि नंतर माझ्या आश्रमात नाश्ता केला.
हे वाचलं का?
