दोन बाटल्या पेट्रोल घेऊन गेला अन्...

पोलिसांनी दिलेल्या माहितीनुसार, संदीप सतत त्या तरुणीला फोन करत असे, मात्र काही काळापासून तरुणीने त्याच्याशी बोलणे पूर्णपणे बंद केले होते. या गोष्टीमुळे तो प्रचंड तणावात होता. तो काही दिवसांपूर्वी दिल्लीत पोहोचला आणि शुक्रवारी (6 नोव्हेंबर) थेट दोन बाटल्या पेट्रोल घेऊन तरुणी काम करत असलेल्या कारखान्यात पोहोचला. तिथे त्याने तरुणीसमोर लग्नाचा प्रस्ताव ठेवला आणि तसा आग्रह धरला, मात्र तिने स्पष्टपणे नकार दिला.

हे ही वाचा : पुण्यात खळबळ! कचऱ्याच्या ढिगाऱ्यात सापडले दोन मानवी पाय, पोलिसांनी केला धक्कादायक उलगडा

कारखान्यात काय घडलं?

तरुणीने लग्नास नकार दिल्यानंतर संतापलेल्या आणि नैराश्यात गेलेल्या संदीपने स्वतःच्या अंगावर पेट्रोल ओतून पेटवून घेतले. ही भयानक घटना घडताच कारखान्यातील इतर कर्मचारी तातडीने मदतीसाठी धावले. त्यांनी कशीतरी आग विझवली आणि गंभीर जखमी झालेल्या संदीपला तातडीने दीपचंद बंधू रुग्णालयात दाखल केले. परंतु, उपचारापूर्वीच डॉक्टरांनी त्याला मृत घोषित केले.

हे ही वाचा : राजकीय मतभेद बाजूला! शरद पवारांच्या भेटीसाठी नेत्यांची रीघ, ब्रीच कँडी रुग्णालयात काय घडलं?

सुसाइड नोटमध्ये काय?

या घटनेनंतर पोलिसांनी घटनास्थळावरून एक सुसाइड नोट जप्त केली आहे, ज्यामध्ये मृत संदीपने तरुणीने मैत्री तोडल्यामुळेच आपण आत्महत्या करत असल्याचे म्हटले आहे. मात्र, तरुणीने पोलिसांना दिलेल्या जबाबात संदीपसोबत आपले कोणतेही नाते नव्हते असे स्पष्ट केले आहे. सध्या पोलिसांनी मृतदेह शवविच्छेदनासाठी पाठवला असून संदीपच्या कुटुंबीयांना या दुर्दैवी घटनेची माहिती दिली आहे.