धुळे : कला केंद्रातील महिलेला पेट्रोल ओतून जिवंत जाळलं, मृतदेह पाहावेना; क्रूरतेचा कळस!
Dhule Crime News : कला केंद्रातील अंतर्गत वादातून रायगडच्या गर्भवती महिलेची धुळ्यातील गरताडबारी येथे पेट्रोल ओतून जाळून हत्या करण्यात आल्याचा प्रकार समोर आला आहे. मोहाडी पोलिसांनी अवघ्या तीन दिवसांत या प्रकरणाचा तपास करत चार आरोपींना अटक केली असून दोन आरोपी फरार आहेत.
ADVERTISEMENT
बातम्या हायलाइट
धुळे : कला केंद्रातील महिलेला पेट्रोल ओतून जिवंत जाळलं
मृतदेह पाहावेना; क्रूरतेचा कळस!
Dhule Crime News , धुळे : कला केंद्रातील अंतर्गत वादातून रायगडच्या एका गर्भवती महिलेची धुळ्यातील गरताडबारी येथे पेट्रोल ओतून जाळून हत्या केल्याचा धक्कादायक प्रकार समोर आला आहे. या प्रकरणाचा मोहाडी पोलिसांनी अवघ्या तीन दिवसांत छडा लावला असून चौघांना अटक केली आहे. पोलिसांच्या तपासात अटक करण्यात आलेल्या आरोपींनी महिलेची हत्या केल्याची कबुली दिल्याची माहिती समोर आली आहे. मृत महिलेचं नाव पिंकी हनुमंत काटकर (वय 31, रा. रायगड) असं आहे.
हेही वाचा : जालना : छकुलीचे गावातल्या परपुरुषाशी प्रेमसंबंध, प्रियकराच्या मदतीने नवऱ्याची हत्या; अपघाताचा बनाव
हत्या प्रकरणात चौघांना अटक, दोन आरोपी फरार
या प्रकरणात सर्फराज ऊर्फ शफिक अलीम मोमिन (वय 38, रा. धाराशिव), आरिफ उर्फ खुज्या आसिफ शेख (31, रा. धाराशिव), स्वाती उर्फ आरती गणेश कुऱ्हाडे (28, रा. अहिल्यानगर) आणि लक्ष्मी बालाजी पवार (30, रा. धाराशिव) या चौघांना अटक करण्यात आली आहे. तर फारुख शेख ( रा. धाराशिव) आणि रोहिणी जाधव (रा. छत्रपती संभाजीनगर) हे दोघे फरार असल्याची माहिती आहे.
हेही वाचा : पैशांचा हव्यास ते डॉक्टरला मारहाण; दिव्या शिंदेने जे कांड केले ते वाचाच, 10 गंभीर कलमान्वये गुन्हा दाखल