Sakshi Murder : एक्स बॉयफ्रेंड, टॅटू अन् साहिलने गाठली क्रौर्याची परिसीमा
साक्षीच्या हातावर प्रवीण नावाचा टॅटूही सापडला आहे. साहिल आणि साक्षीच्या भांडणाचे हे देखील एक कारण असू शकते, असं म्हटलं जात आहे.
ADVERTISEMENT
sakshi murder case, why sahil killed her girlfriend : धारदार चाकूने सपासप 40 वार… त्यानंतर भल्यामोठ्या दगडाने केलेले प्रहार… यात 16 वर्षाच्या साक्षीचा जागेवरच मृत्यू झाला. थरकाप उडवणाऱ्या या घटनेनं दिल्लीच नव्हे तर देशही हादरला. पोलिसांनी या प्रकरणात साक्षीचा बॉयफ्रेंड साहिलला अटक केली. आता या प्रकरणासंदर्भात काही महत्त्वाची माहिती समोर आली आहे.
गेल्या काही दिवसांपासून साक्षी तिचा एक्स बॉयफ्रेंड प्रवीणच्या पुन्हा जवळ येत होती, असं सांगितले जात आहे. यावरूनच साक्षी आणि साहिलमध्ये भांडण झाले होते. त्यानंतर संतापलेल्या साहिलने साक्षीची हत्या केली. साहिलला पोलिसांनी उत्तर प्रदेशातील बुलंदशहर येथून अटक केली आहे.
Delhi Shahbad Dairy Murder : काय प्रकरण आहे?
ही घटना घडली ती दिल्लीतील शाहबाद डेअरी येथे. 20 वर्षीय साहिलने 16 वर्षीय साक्षीवर चाकूने हल्ला केला. त्यानंतर तिला दगडाने ठेचून मारले. चाकूचे वारांनी रक्तबंबाळ झालेल्या उपचारादरम्यान अल्पवयीन साक्षीचा मृत्यू झाला. या घटनेचे सीसीटीव्ही फुटेजही समोर आले आहे. यामध्ये साहिल साक्षीवर चाकूने कसा हल्ला करतो हे पाहायला मिळत आहे. तसेच त्याने साक्षीवर दगडानेही आघात केला.
साक्षीची हत्या का?
दिल्ली पोलिसांच्या म्हणण्यानुसार, प्राथमिक तपासात साहिलला संशय होता की साक्षीचे तिच्या एक्स बॉयफ्रेंडसोबत अफेअर आहे. एवढेच नाही तर साहिलने काही दिवसांपूर्वी साक्षीला जीवे मारण्याची धमकी दिली होती. साक्षी तिचा एक्स बॉयफ्रेंड प्रवीणशी बोलत असल्याचा संशय साहिलला येत होता आणि ती त्याच्या जवळ जात असल्याचंही साहिलला वाटू लागलं. तिने एक्स बॉयफ्रेंडसोबत बोलू नये म्हणून साहिलने तिला जीवे मारण्याची धमकी दिली होती.
हे वाचलं का?
