..म्हणून सिलिंडर डोक्यात घातला

मिळालेल्या माहितीनुसार, आरोपी सुनील (वय 22 वर्ष) हा मूळचा बिहारच्या समस्तीपूर येथील रहिवासी आहे. त्याने 20 मार्च रोजी एका घरात भाड्याने खोली घेतली होती. तेथे तो आपली पत्नी गुंजनसोबत राहत होता. मात्र, 23 मार्चच्या रात्री दोघांमध्ये कोणत्या तरी कारणावरून जोरदार भांडण झाले. वादाचे रूपांतर हाणामारीत झाले आणि संतापलेल्या सुनीलने घरातील एका लहान गॅस सिलिंडरने गुंजनच्या डोक्यावर जोरात प्रहार केला. यामध्ये तिचा जागीच मृत्यू झाला.

हे ही वाचा : नवजात बाळाला झुडुपात टाकले, भटक्या कुत्र्‍यांनी लचके तोडत रस्त्यावर आणले; आई-बाप का झाले क्रूर?

शेजाऱ्यांना आला संशय

मंगळवारपासून सुनीलची खोली बाहेरून बंद असल्याचे शेजाऱ्यांच्या लक्षात आले. संशय आल्याने बुधवारी संध्याकाळी काही जणांनी खिडकीतून आत डोकावले असता, गुंजन रक्ताच्या थारोळ्यात मृतावस्थेत पडलेली दिसली. घटनेची माहिती मिळताच पोलिसांनी घटनास्थळी धाव घेतली. फॉरेन्सिक पथकाने घटनास्थळावरून महत्त्वाचे पुरावे गोळा केले. घरमालकाच्या तक्रारीनंतर पोलिसांनी तात्काळ तपासाची चक्रे फिरवली.

हे ही वाचा : रुममध्ये मोठ्याने गाणी लावली अन् चुलत्याने कटर मशीनने कापला तीन पुतण्यांचा गळा, त्याआधी नेमकं काय घडलं?

आरोपीला अटक

पोलिसांनी तांत्रिक तपासाच्या आधारे 26 मार्च रोजी आरोपी सुनीलला गुरुग्राममधूनच ताब्यात घेतले. चौकशीदरम्यान सुनीलने आपला गुन्हा कबूल केला आहे. त्याने सांगितले की, त्यांच्यात वारंवार भांडणे होत असत आणि त्या रात्री देखील रागावर नियंत्रण न राहिल्याने त्याने हे टोकाचे पाऊल उचलले. पोलीस सध्या या प्रकरणाचा अधिक तपास करत असून आरोपीची कसून चौकशी केली जात आहे.