'भाभी'ने तिच्यासोबत केलं भलतंच काही, प्रसादात मिसळला अंमली पदार्थ अन्...
Gujarat Murder: गुजरातमध्ये एका महिलेची कट रचून हत्या केल्याची धक्कादायक घटना समोर आली आहे. या प्रकरणामध्ये एका महिलेला तिच्या पतीसह अटक करण्यात आली आहे.
ADVERTISEMENT
बनासकांठा: गुजरातच्या बनासकांठा जिल्ह्यातील पालनपूर येथे एका व्यावसायिकाच्या पत्नीच्या हत्येच्या घटनेने खळबळ उडाली आहे. तीन दिवसांपूर्वी बेपत्ता झालेली ही महिला एका निर्जन ठिकाणी जळालेल्या अवस्थेत आढळली. पोलिसांनी अवघ्या तीन दिवसांत या प्रकरणाचा छडा लावला आणि दोन संशयितांना अटक केली, तर इतर दोघे अद्याप फरार आहेत.
मिळालेल्या माहितीनुसार, हनुमान टेकडी परिसरातील चाणक्यपुरी सोसायटीमध्ये राहणारे व्यावसायिक वसंत अकेदीवाला यांची पत्नी शांतीबेन, 23 तारखेच्या रात्री दूध आणण्यासाठी घरातून बाहेर पडल्या. रात्री उशिरापर्यंत त्या परत न आल्याने कुटुंबीयांना काळजी वाटू लागली आणि त्यांनी आजूबाजूच्या परिसरात शोध घेतला, परंतु त्यांचा कोणताही मागमूस लागला नाही. त्यानंतर, त्यांच्या मुलाने पालनपूर पश्चिम पोलीस ठाण्यात त्या बेपत्ता झाल्याची तक्रार दाखल केली.
पोलिसांनी गुन्हा दाखल करून परिसरातील सीसीटीव्ही फुटेज तपासत तपास सुरू केला. तपासादरम्यान, शांतीबेन हनुमान टेकडी परिसरातील फर्निचर दुकान मालकीण रेखा राठोड यांच्या दुकानात जाताना दिसल्या, पण त्या बाहेर पडताना दिसल्या नाहीत. यामुळे पोलिसांना दुकान मालकिणीवर संशय आला, ज्यांना चौकशीसाठी पोलीस ठाण्यात आणण्यात आले.
विश्वासाच्या नात्यातून हत्या
तपासात असे उघड झाले की, घरगुती फर्निचर विक्रेती असलेल्या रेखा राठोड यांचे शांतीबेन यांच्या कुटुंबासोबत चांगले संबंध होते. मृत शांतीबेन यांचा पती हा रेखा राठोडला आपली वहिनी म्हणायचा. या घनिष्ठ संबंधांमुळे दोन्ही कुटुंबांमध्ये दीर्घकाळचा विश्वास निर्माण झाला होता.
