कुटुंबियांचा विरोध झुगारुन प्रेमविवाह, 7 महिन्यांच्या बाळाला घेऊन गावात आले, अन् गेम झाला!
honour killing : प्रेमविवाहाचा विरोध जीवावर बेतला; पत्नीच्या नातेवाईकांनी तरुणाची मारहाण करून हत्या केल्याचा आरोप. सात जणांविरोधात गुन्हा दाखल असून दोन आरोपींना पोलिसांनी ताब्यात घेतले आहे.
ADVERTISEMENT
बातम्या हायलाइट
कुटुंबियांचा विरोध झुगारुन प्रेमविवाह,
7 महिन्यांच्या बाळाला घेऊन गावात आले, अन् गेम झाला!
honour killing : प्रेमविवाह केल्याच्या वादातून 28 वर्षीय तरुणाची हत्या झाल्याची धक्कादायक घटना समोर आली आहे. विवेक कनौजिया असे मृत तरुणाचे नाव असून, पत्नीच्या कुटुंबीयांनी त्याला बेदम मारहाण केल्याचा आरोप करण्यात आला आहे. या प्रकरणी पोलिसांनी सात जणांविरोधात हत्येचा गुन्हा दाखल केला असून दोन आरोपींना चौकशीसाठी ताब्यात घेतले आहे. ही घटना हरदोईमधील बदरुद्दीनपूर गावात घडली. विवेक हा ई-रिक्षा चालक होता. त्याने मे 2024 मध्ये पूनमसोबत दोन्ही कुटुंबांच्या इच्छेविरोधात प्रेमविवाह केला होता.
हेही वाचा : बजरंग सोनवणेंच्या मुलाचं नाव, मुंडे भाऊ बहीण आक्रमक; बीडचं खून प्रकरण काय?
सात महिन्यांच्या मुलासह मूळ गावी परतले अन् शेवटी मर्डर
लग्नानंतर दोघांनाही नातेवाईकांचा विरोध सहन करावा लागत होता. त्यामुळे विवेक आणि पूनम यांनी दिल्लीजवळील नोएडा येथे राहण्याचा निर्णय घेतला होता. तेथेच ते राहत होते. काही दिवसांपूर्वी हे दाम्पत्य त्यांच्या सात महिन्यांच्या मुलासह मूळ गावी परतले होते. मात्र गावात परतल्यानंतर पुन्हा एकदा त्यांच्या विवाहाच्या मुद्द्यावरून तणाव निर्माण झाला. विवेकच्या कुटुंबीयांनी आणि पत्नी पूनमने केलेल्या आरोपानुसार, सोमवारी संध्याकाळी पूनमच्या माहेरच्या नातेवाईकांनी त्यांच्या घरी येऊन दोघांना जाब विचारला.
हेही वाचा : 'तू मला सोडून का गेलास?' केतनची हत्या केल्यानंतर सियाची इन्स्टाग्राम पोस्ट व्हायरल
