पुण्यातला 'मुळशी पॅटर्न' कसा आहे?, पुणेकरांना हादरवून टाकणारा गँगवॉरचा रक्तरंजित इतिहास!

पुणे: तुम्ही 'मुळशी पॅटर्न' सिनेमा पाहिला असेल. या सिनेमात एक सीन आहे ज्यात एका गुंडाच्या मागे टोळी लागलेली असते, तो गुंड शहरातल्या वेगवेगळ्या भागांमधून धावतो, अखेर मंडई भागामध्ये एक अल्पवयीन मुलगा त्याची गोळ्या झाडून हत्या करतो. हा सिनेमातला जरी सीन असला तरी हे एकेकाळचं पुण्यातलं वास्तव होतं. सास्कृतिक शहर म्हणून ओळख असणाऱ्या पुण्याला गॅंगवॉरचा शाप देखील आहे. या गॅंगवॉरच्या मागे आहे पुण्यातले वाढते जमिनीची भाव आणि आपल्या एरियात वर्चस्व गाजवण्याची ईर्ष्या. (how is mulshi pattern in pune bloody history of gang war will shake people of pune vanraj andekar sharad mohol gaja marne)
 
या वर्षाच्या सुरुवातीलाच शरद मोहोळची त्याच्या राहत्या घराजवळ गोळया झाडून हत्या करण्यात आली होती, त्यानंतर रविवारी (1 सप्टेंबर) वनराज आंदेकर यांची त्यांच्या घराजवळच गोळ्या झाडून आणि कोयत्याने वार करुन हत्या करण्यात आली आहे. गेल्या दोन ते तीन दशकांपासून पुण्यातलं गॅंगवॉर संपायचं नाव घेत नाहीए.