25 लाख रुपये उकळले

हा आरोपी पीडितांना त्यांची खासगी छायाचित्रे आणि व्हिडिओ कुटुंबियांपर्यंत पोहोचवण्याची किंवा पोलीस केसमध्ये अडकवण्याची धमकी देऊन ब्लॅकमेल करत असे. या माध्यमातून त्याने गेल्या काही वर्षांत 25 लाख रुपयांपेक्षा जास्त रक्कम उकळली होती. या जाळ्यात 22 वर्षांच्या एका इंजिनिअरिंग विद्यार्थ्याकडून 4 लाख रुपये उकळल्याची तक्रार आल्यानंतर सैदाबाद पोलिसांनी तपास करून पवनला अटक केली असून सध्या त्याला न्यायालयीन कोठडीत पाठवण्यात आले आहे.

हे ही वाचा : मुलांच्या भांडणातून वाद; महिलेने दीराच्या गुप्तांगाला घेतला चावा, 55 टाके

'चंदना'शी लग्न लावून देतो

या प्रकरणात एका पोलीस इन्स्पेक्टरची पत्नी पुढे आली असून, आरोपीने इन्स्पेक्टरला 'चंदना'शी लग्न लावण्याचे आमिष दाखवून तब्बल 10 लाख रुपये उकळल्याची तक्रार नोंदवली आहे. या रॅकेटमध्ये देशांतर्गत विविध राज्यांतील 24 जण आणि 9 परदेशी नागरिकांचाही समावेश असल्याचे समोर आले असून, पोलीस या संपूर्ण नेटवर्कचा आणि अन्य साथीदारांचा कसून शोध घेत आहेत.

हे ही वाचा : मुंबईची खबर : समुद्र असूनही मुंबईतील हवा इतकी प्रदूषित का? पर्यावरण शास्त्रज्ञ काय सांगतात?

सोशल मीडियापासून सावधान 

या घटनेनंतर नागरिकांनी सोशल मीडियावर कोणावरही सहजासहजी विश्वास ठेवू नये आणि खासगी माहिती किंवा छायाचित्रे शेअर करू नयेत, असा मोठा बोध मिळतो. जर कोणी अशा प्रकारे ब्लॅकमेल करून पैसे उकळण्याचा प्रयत्न केल्यास, न घाबरता चॅट, प्रोफाईल लिंक्स आणि आर्थिक व्यवहारांचे पुरावे गोळा करून त्वरित सायबर क्राईम किंवा पोलिसांकडे तक्रार करावी.