आठवडाभर गॅरेजमधून नजर ठेवली, खिडकीतून पाहायचा, नर्ससोबत मेकॅनिकचं भयंकर कृत्य
Hyderabad nurse rape murder case : हैदराबादच्या पहाडीशरीफ परिसरात नर्सच्या बलात्कार आणि हत्येप्रकरणी बिहारमधील बाइक मेकॅनिकला अटक करण्यात आली आहे. पोलिसांच्या तपासात आरोपी गेल्या महिनाभरापासून नर्सच्या हालचालींवर लक्ष ठेवत असल्याचे समोर आले आहे.
ADVERTISEMENT
बातम्या हायलाइट
आठवडाभर गॅरेजमधून नजर ठेवली
खिडकीतून पाहायचा, नर्ससोबत मेकॅनिकचं भयंकर कृत्य
Hyderabad nurse rape murder case : नर्सवर बलात्कार करून तिची हत्या केल्याच्या आरोपावरून पोलिसांनी बिहारमधील एका बाइक मेकॅनिकला सोमवारी अटक केली. आरोपी गेल्या जवळपास महिनाभरापासून संबंधित नर्सच्या हालचालींवर लक्ष ठेवून होता. नर्स ज्या खोलीत राहत होती, त्या खोलीच्या मागील बाजूस एक गॅरेज होते. तेथील खिडकीतून तो तिच्यावर नजर ठेवायचा. 2023 मध्ये कामासाठी आरोपी हैदराबादमध्ये आला होता. पोलिसांच्या तपासानुसार, सुमारे महिनाभरापूर्वी त्याने खिडकीतून नर्सला पाहिले आणि त्यानंतर तिच्या हालचालींवर लक्ष ठेवण्यास सुरुवात केली.
हेही वाचा : माणुसकीला काळिमा! तीन महिन्यांच्या चिमुकलीचा पुरलेला मृतदेह काढला बाहेर
नर्सने प्रतिकार केल्यानंतर मॅकेनिकने केली हत्या
पोलिसांनी दिलेल्या माहितीनुसार, नर्स झोपेत असताना आरोपी खिडकीतून तिच्या खोलीत शिरला. त्याने तिच्यावर लैंगिक अत्याचार केल्याचा आरोप आहे. नर्सने प्रतिकार केल्यानंतर आरोपीने तिचा गळा आवळून हत्या केल्याचे पोलिसांचे म्हणणे आहे. त्यानंतर तो त्याच खिडकीतून बाहेर पडला. मात्र, नर्सच्या मृत्यूपूर्वी किंवा मृत्यूनंतर लैंगिक अत्याचार झाला होता, हे अद्याप निश्चितपणे स्पष्ट झालेले नाही. आरोपीने पोलिसांना दिलेल्या माहितीनुसार, लैंगिक अत्याचाराच्या वेळी नर्स बेशुद्ध होती. “त्यावेळी पीडितेचा मृत्यू झाला होता की नाही, हे निश्चितपणे सांगता येत नाही,” असे तपास अधिकाऱ्याने सांगितले.
हेही वाचा : अकोला : उपचाराच्या बहाण्याने तरुणीची छेड काढली, लज्जास्पद वर्तन करणाऱ्या डॉक्टरला अटक