अत्याचार अन् जीवे मारण्याची धमकी

पोलिसांनी दिलेल्या माहितीनुसार, राजस्थानच्या जयपूर परिसरातील ही घटना आहे. अत्याचाराची घटना सुमारे 15 दिवसांपूर्वी घडली. आरोपी ओळखीचा असल्याने कुटुंबाच्या घरी येत-जात होता. घटनेच्या दिवशी मुलगी एकटी असताना आरोपीने संधी साधून तिच्यावर अत्याचार केला. आरोपीने जीवे मारण्याची धमकी दिल्याने घाबरलेल्या चिमुरडीने घडलेला प्रकार कोणालाही सांगितला नव्हता.

हे ही वाचा : बीड : आई-वडील नसताना घरात शिरला नराधम अन् घडलं भयानक, विद्यार्थिनीनं काय सांगितलं?

असं बाहेर आलं प्रकरण

तीन दिवसांपूर्वी आरोपी पुन्हा भेटण्याच्या बहाण्याने मुलीच्या घरी आला. त्यावेळी आजीसोबत खेळत असलेल्या मुलीने त्याला पाहताच, "अंकल वाईट आहेत," असे म्हटले. सुरुवातीला आजीने याकडे लहान मूल समजून दुर्लक्ष केले, मात्र मुलीने काहीतरी सांगितले असावे या संशयातून आरोपीने मुलीकडे त्याबद्दल विचारणा केली. आरोपी निघून गेल्यानंतर मुलीने आपल्या कुटुंबीयांना संपूर्ण घडलेला प्रकार सांगितला.

हे ही वाचा : पडळकरांना मराठा आंदोलकांनी रोखलं, घोषणा होताच गाडी थांबवली, गोंधळ!

कुणकुण लागताच आरोपी फरार

कुटुंबीयांनी तात्काळ पोलीस ठाण्यात जाऊन याप्रकरणी तक्रार दाखल केली. तक्रारीची कुणकुण लागताच आरोपी पसार झाला होता. पोक्सो कायद्यांतर्गत स्थापन करण्यात आलेल्या विशेष पथकाने कसून शोध घेत आरोपीचा माग काढला आणि जैसलमेरमधील रामदेवरामधून त्याला जेरबंद केले. त्यानंतर त्याला न्यायालयात समोर उपस्थित केले असता न्यायालयाने त्याची रवानगी कोठडीत केली.