आई घरकामात व्यस्त अन्...

मिळालेल्या माहितीनुसार, पीडित चिमुरडी घरात होती आणि तिची आई घरकामात व्यस्त होती. याचाच चुलत आजोबाने फायदा घेतला. काम संपवून आई जेव्हा खोलीत पोहोचली, तेव्हा तिला संशयित आरोपी मुलीसोबत आक्षेपार्ह अवस्थेत आढळला. आईने आरडाओरडा करताच आरोपीने तिथून पळ काढला. या अनपेक्षित प्रकाराने घाबरलेल्या कुटुंबीयांनी तातडीने पोलीस ठाणे गाठून तक्रार नोंदवली. सध्या मुलीला रुग्णालयात दाखल करण्यात आले आहे.

रुग्णालयात तपासणी आणि उपचार

शुक्रवारी (27 फेब्रुवारी) मध्यरात्री पोलिसांनी मुलीला जिल्हा रुग्णालयात नेले. तेथे डॉक्टरांच्या पथकाने मुलीची वैद्यकीय तपासणी केली. सध्या मुलीला उपचारासाठी रुग्णालयात दाखल करण्यात आले असून तिची प्रकृती स्थिर असल्याचे सांगण्यात येत आहे. सिव्हिल सर्जन डॉ. प्रल्हाद पटेल आणि डॉ. सीमा यांच्यासह डॉक्टरांची टीम मुलीच्या प्रकृतीवर लक्ष ठेवून आहे.

वरिष्ठ पोलीस अधिकाऱ्यांची धाव

प्रकरणाचे गांभीर्य ओळखून पोलीस अधीक्षक श्रुतकीर्ती सोमवंशी स्वतः या तपासावर लक्ष ठेवून आहेत. अतिरिक्त पोलीस अधीक्षक सुजीत सिंह भदोरिया, सीएसपी एचआर पांडे यांच्यासह अनेक वरिष्ठ पोलीस अधिकारी रात्री उशिरापर्यंत रुग्णालयात उपस्थित होते. दरम्यान, फरार आरोपीचा पोलिस शोध घेत आहेत. मात्र नात्याला काळिमा फासणाऱ्या या घटनेमुळे लोक हादरुन गेले आहेत.