एकुलत्या एका मुलाची आत्महत्या

मिळालेल्या माहितीनुसार, घटनेच्या दिवशी सकाळी बिट्टूच्या खोलीचा दरवाजा बराच वेळ उघडला नाही. त्यामुळे कुटुंबीयांनी काळजीपोटी खिडकीतून डोकावून पाहिले असता त्यांना धक्काच बसला. बिट्टूचा मृतदेह छताच्या पंख्याला लटकलेल्या अवस्थेत आढळला. बिट्टू हा आपल्या आई-वडिलांचा एकुलता एक मुलगा होता आणि वेल्डिंगचे काम करून आपल्या लहान बहिणीसह संपूर्ण कुटुंबाचा उदरनिर्वाह चालवत होता. ज्या घरात लग्नाचे निमंत्रण पत्रिका वाटप सुरू होते, तिथे आता शोककळा पसरली आहे.

हे ही वाचा : 'आईची अवस्था बघवत नाही..' आजारी आईला चौथ्या मजल्यावरुन खाली ढकलून संपवले; मुलगा काय म्हणाला?

रात्री फोनवर बोलातना काय झाले?

पोलिस तपासात एक महत्त्वाची बाब समोर आली आहे की, आत्महत्या करण्यापूर्वी बिट्टू त्याच्या होणाऱ्या पत्नीशी फोनवर तासनतास बोलत होता. या दोघांचे लग्न ठरले होते आणि काही विधीही पार पडले होते. त्या रात्री फोनवर झालेल्या संभाषणादरम्यान असे काय घडले की बिट्टूने मृत्यूला जवळ केले, हे अद्याप एक गूढच आहे. आई-वडिलांचा आधार असलेला मुलगा गेल्याने कुटुंबावर दुःखाचा डोंगर कोसळला असून गावकऱ्यांनीही या घटनेवर आश्चर्य व्यक्त केले आहे.

हे ही वाचा : 'तुमची मुलगी गरोदर...', पोटात येऊ लागल्या कळा, नराधमाकडून 14 वर्षांच्या मुलीवर लैंगिक अत्याचार

पोलीस तपासताहेत सीडीआर

भगवानपूर पोलीस ठाण्याचे प्रमुख सत्येंद्र कुमार सत्यार्थी यांनी सांगितले की, प्रथमदर्शनी ही आत्महत्या प्रेमप्रकरण किंवा लग्नाशी संबंधित वादातून झाली असावी असा संशय आहे. पोलिसांनी मृतदेह ताब्यात घेऊन उत्तरीय तपासणीसाठी हाजीपुर सदर रुग्णालयात पाठवला आहे. पोलीस आता बिट्टूच्या मोबाईलचे कॉल डिटेल्स (CDR) तपासत असून त्याच्या होणाऱ्या बायकोसोबत झालेल्या शेवटच्या संभाषणाविषयी तपास करत आहेत. अद्याप कुटुंबाकडून कोणतीही लेखी तक्रार दाखल झालेली नसली तरी पोलीस सर्व बाजूंनी तपास करत आहेत.