राष्ट्रीय महामार्गावर ट्रक जळून चालकाचा मृत्यू, पण पोलीस तपासात भयंकर कांड उघडकीस
pilibhit truck driver murder : NH-730 वर ट्रकमध्ये जळून मृत्यू झालेल्या चालकाच्या प्रकरणाचा पोलिसांनी उलगडा केला आहे. प्रेमसंबंध संपवण्याच्या वादातून लोखंडी रॉडने हल्ला करून ट्रक पेटवल्याचा महिलेवर आरोप आहे.
ADVERTISEMENT
बातम्या हायलाइट
राष्ट्रीय महामार्गावर ट्रक जळून चालकाचा मृत्यू,
पण पोलीस तपासात भयंकर कांड उघडकीस
पीलीभीतच्या पूरनपूरमध्ये 10 जुलैच्या रात्री ट्रकमध्ये चालकाचा जळून मृत्यू झाला होता. सुरुवातीला हा अपघात असल्याचे वाटत होते. ट्रकला आग लागल्याने चालकाचा मृत्यू झाल्याचे मानले जात होते. मात्र, घटनास्थळी काही गोष्टी संशयास्पद आढळल्या. त्यामुळे पोलिसांनी तपास सुरू केला. सीसीटीव्ही फुटेज तपासण्यात आले. सर्व्हिलन्स आणि तांत्रिक पुरावेही तपासण्यात आले. या तपासातून चालक बलविंदर सिंह यांची हत्या झाल्याचे समोर आल्याचा पोलिसांचा दावा आहे.
हेही वाचा : घरात घुसून मुख्याध्यापिकेवर केले 27 वार, 10 वीच्या विद्यार्थ्यांचं कृत्य; धक्कादायक कारण समोर
अधिकची माहिती अशी की, 10 जुलै रोजी NH-730 वर JH02K9750 क्रमांकाच्या ट्रकला आग लागली. मोठी कालवा आणि गुरुद्वारा धन्ना बाबा परिसरात ही घटना घडली. माहिती मिळताच पोलीस आणि अग्निशमन दल घटनास्थळी पोहोचले. त्यांनी आग विझवली. त्यानंतर ट्रकच्या केबिनमध्ये बलविंदर सिंह यांचा मृतदेह सापडला. मृतदेह पूर्णपणे जळालेला होता. बलविंदर सिंह हे ट्रकचे मालकही होते. ते स्वतः ट्रक चालवत होते. त्यांच्या भावाच्या तक्रारीवरून पोलिसांनी अज्ञात व्यक्तीविरोधात हत्येचा गुन्हा दाखल केला.
हेही वाचा : महाराष्ट्रात पावसाचा ब्रेक कायम; पण 'या' जिल्ह्यांना अलर्ट, अनेक भागात सरासरीपेक्षा कमी पाऊस