हे ही वाचा : मुंबई उच्च न्यायालयाने स्मृती मानधनाच्या मित्राला झापलं, पलाश मुच्छलबाबत मानहानीकारक वक्तव्य करण्यास सक्त मनाई

चिठ्ठीमुळे खळबळ 

आशुतोष प्रताप गिरी उर्फ अमन असं मृत तरुणाचं नाव आहे. पोलिसांनी त्याचा मृतदेह ताब्यात घेऊन पोस्ट मार्टमसाठी पाठवला आहे. घटनास्थळी पोलिसांना एक चिठ्ठी सापडली असून त्यातील मजकुराने सर्वांनाच धक्का बसला आहे. त्या चिठ्ठीत लिहिले होते की, 'मी तुझ्यावर खूप प्रेम करते. पण आता तुझ्यासोबत राहू शकत नाही. मला माफ कर, तू मेलास तरी मला काही फरक पडत नाही.' आशुतोषच्या बहिणीने दिलेल्या माहितीनुसार, एका कोचिंग क्लासमध्ये ओळख झालेल्या प्रतापगडच्या तरुणीसोबत त्याचे गेल्या आठ महिन्यांपासून प्रेमसंबंध होते.

मारहाण आणि ब्लॅकमेलिंगचा आरोप

मृताच्या बहिणीने प्रेयसीवर गंभीर आरोप केले आहेत. तिच्या मते, संबंधित तरुणीचे दुसऱ्या मुलाशी संबंध निर्माण झाल्याने गेल्या काही दिवसांपासून त्यांच्यात वाद सुरू होते. आठवड्यापूर्वी तरुणीच्या मित्रांनी आशुतोषला मारहाण करून त्याचा मोबाईलही हिसकावून घेतला होता. एवढेच नाही तर ती त्याला ब्लॅकमेल करत होती आणि आशुतोषने त्याच्या आईचे अनेक दागिनेही तिला नेऊन दिले होते, असा दावा नातेवाईकांनी केला आहे.