नातेवाईक अन् नागरिकांचे विरोध प्रदर्शन

इन्जेक्शन दिल्यानंतर काही वेळातच प्राचीच्या पायात तीव्र वेदना सुरू झाल्या आणि तेथे रक्ताची गाठ तयार झाली. प्रकृती खालावल्याने कुटुंबीयांनी तिला सुरुवातीला स्थानिक रुग्णालयात आणि नंतर उदयपूरच्या खाजगी रुग्णालयात दाखल केले, जिथे उपचारादरम्यान तिचा मृत्यू झाला. या घटनेची माहिती मिळताच संतप्त ग्रामस्थ आणि नातेवाईकांनी मेडिकल स्टोअरच्या बाहेर जोरदार विरोध प्रदर्शन केले. काहींनी दुकानाचे शटर तोडण्याचा आणि आग लावण्याचा प्रयत्न केला, मात्र पोलिसांनी तात्काळ घटनास्थळी पोहोचून परिस्थिती नियंत्रणात आणली.

हे ही वाचा : किरीट सोमय्यांनी आरोप केलेल्या इमारतीत किती बांगलादेशी आढळले? पाहाच

मेडिकलमध्येच रुग्णांना इंजेक्शन्स

याप्रकरणी मृताच्या कुटुंबीयांनी आणि स्थानिक नागरिकांनी दोषी दुकानचालकावर कठोर कारवाईची मागणी केली आहे. मृत प्राचीच्या आजीने दिलेल्या माहितीनुसार, दुकानावर जाऊन साधी गोळी घेण्याऐवजी तिला चुकीचे इन्जेक्शन दिले, ज्यामुळे तिचा जीव गेला. तसेच, नगर निगमच्या स्थानिक नगरसेवकांनी आरोप केला आहे की, याच मेडिकल स्टोअरमधून यापूर्वीही रुग्णांना विनाकारण इन्जेक्शन देण्याच्या अशा अनेक घटना घडल्या आहेत. वाढत्या रोषाच्या पार्श्वभूमीवर पोलिसांनी मेडिकल स्टोअर सील केले असून, मृतदेह ताब्यात घेऊन शवविच्छेदन करण्याची प्रक्रिया सुरू केली आहे.

हे ही वाचा : चेंजिंग रुममध्ये 18 वर्षीय तरुणीचा मृतदेह सापडल्याने खळबळ, कपड्यांच्या शोरुममध्ये काय घडलं?

सरकारी दवाखान्याची अवस्था काय?

घटनेचे गांभीर्य लक्षात घेऊन सुभाष नगर पोलिसांनी फरार आरोपी संचालक रामप्रसाद याचा शोध सुरू केला असून, त्याच्याविरुद्ध गुन्हा दाखल करण्यात आला आहे. या दुर्दैवी घटनेमुळे स्थानिक नागरिकांमध्ये भीती आणि संतापाचे वातावरण पसरले आहे. नागरिकांनी परिसरातील आरोग्य सुविधांवर प्रश्नचिन्ह उपस्थित करत, स्थानिक सरकारी दवाखान्यात कायमस्वरूपी डॉक्टर नियुक्त करण्याची मागणी केली आहे, जेणेकरून भविष्यात अशा प्रकारच्या घटनांची पुनरावृत्ती टाळता येईल.