पुणे: वाढलेली दाढी, पोलिसांना चकमा... पुण्याच्या सचिन घायवळच्या अटकेची Inside Story
Sachin Ghaywal: पुणे पोलिसांच्या गुन्हे शाखेने संघटित गुन्हेगारी आणि 'मोका' (MCOCA) अंतर्गत दाखल गंभीर गुन्ह्यातील नऊ महिन्यांपासून फरार असलेला कुख्यात आरोपी सचिन बन्सीलाल घायवळ याला राजस्थानमधून अटक केली आहे. वाचा त्याच्या अटकेची Inside Story.
ADVERTISEMENT
पुणे: पुणे पोलिसांच्या गुन्हे शाखेला संघटित गुन्हेगारीविरोधातील कारवाईत मोठे यश मिळाले आहे. मोका (MCOCA) अंतर्गत दाखल गंभीर गुन्ह्यातील आणि तब्बल नऊ महिन्यांपासून फरार असलेला आरोपी सचिन घायवळ याला राजस्थानमधून अटक करण्यात आली आहे. घायवळ टोळीशी संबंधित गुन्ह्यात तो आरोपी असून त्याच्या अटकेमुळे या प्रकरणाच्या तपासाला नवी दिशा मिळणार असल्याचे पोलिसांकडून सांगण्यात आले आहे.
विशेष पथकाने राबवली शोधमोहीम
पुणे पोलीस आयुक्त अमितेश कुमार यांच्या निर्देशानुसार फरार आरोपींचा शोध घेण्यासाठी गुन्हे शाखेचे विशेष पथक कार्यरत होते. कोथरूड पोलीस ठाण्यात दाखल असलेल्या घायवळ टोळीशी संबंधित गुन्ह्यातील आरोपी सचिन घायवळ गेल्या नऊ महिन्यांपासून पोलिसांना गुंगारा देत होता.
हे ही वाचा>> परदेशात पळून जाण्यापूर्वी निलेश घायवळने मामाच्या शेतात लपवलेली 'ती' गोष्ट, पोलिसांच्या हाती...
दरम्यान, तांत्रिक विश्लेषण, मोबाइल लोकेशन आणि गुप्त बातमीदारांकडून मिळालेल्या माहितीच्या आधारे आरोपी राजस्थानमध्ये लपून बसल्याची माहिती गुन्हे शाखेला मिळाली.
राजस्थानमधील सीकर जिल्ह्यातून अटक
तपासादरम्यान सचिन घायवळ हा राजस्थानातील सीकर जिल्ह्यातील धिंगपूर परिसरात वास्तव्यास असल्याचे निष्पन्न झाले. त्यानंतर गुन्हे शाखेच्या युनिट-३ चे पथक तातडीने राजस्थानला रवाना झाले. स्थानिक पोलिसांच्या मदतीने परिसरात शोधमोहीम राबविण्यात आली. आरोपी धिंगपूर परिसरातील एका भाड्याच्या घरात एकटाच राहत असल्याची माहिती मिळाल्यानंतर पोलिसांनी सापळा रचला आणि त्याला ताब्यात घेतले.
