बायकोच्या प्रेमसंबंधांमुळे कुटुंबात तणाव

पोलिसांनी दिलेल्या माहितीनुसार, मुथ्यम रेड्डी (42) असे खून झालेल्या व्यक्तीचे नाव असून, तो गंगापूर गावचा रहिवासी होता. सुमारे 12 वर्षांपूर्वी त्याचा विवाह कल्पनासोबत झाला होता. त्यांना दोन मुले असून त्यांचे कुटुंब सुरुवातीला आनंदाने जगत होते. मात्र, गेल्या काही महिन्यांपासून पती-पत्नीमध्ये सतत वाद होत होते. गावकऱ्यांनी दिलेल्या माहितीनुसार, कल्पनाच्या कथित प्रेमसंबंधांमुळे कुटुंबात मोठा तणाव निर्माण झाला होता आणि याच वादातून अखेर हा भयानक गुन्हा घडला.

हे ही वाचा : माझा बॉयफ्रेंडही आपल्यासोबत राहणार, बायकोने ठेवली अट; पुढे काय घडलं?

'अशी' केली हत्या

तपासात समोर आले आहे की, सुमारे तीन महिन्यांपूर्वी कल्पनाची ओळख गैनी पंडारी याच्याशी झाली होती. हळूहळू त्यांच्यात जवळीक वाढली आणि प्रेमसंबंध निर्माण झाले. जेव्हा मुथ्यम रेड्डीला या प्रकरणाची माहिती मिळाली, तेव्हा घरात रोज भांडणे होऊ लागली. मुथ्यम या नात्याला कडक विरोध करत असल्याने, कल्पना आणि पंडारी त्याला आपल्या मार्गातील अडथळा मानू लागले होते. याच कारणातून दोघांनी त्याच्या हत्येचा कट रचला. आरोपी महिला आणि तिच्या प्रियकराने मिळून मुथ्यमची हत्या केली आणि त्यानंतर मृतदेह गावाबाहेर एका शेतात नेऊन, जेसीबी मशीनच्या साहाय्याने खड्डा खणून तिथे पुरला. पुरावे नष्ट करण्यासाठी त्यांनी तो खड्डा माती आणि दगडांनी व्यवस्थित झाकून टाकला होता.

हे ही वाचा : 'त्यांनी मला 50 हजारांना विकल्यानंतर माझ्यासोबत...' नवऱ्याने विक्री केलेल्या बायकोने काय सांगितलं?

'साहेब, नवरा बेपत्ता झालाय'

नवऱ्याला आपल्या मार्गातून बाजूला सारल्यानंतर आरोपींनी पोलिसांची दिशाभूल करण्याचाही प्रयत्न केला. याच महिन्याच्या 18 तारखेला कल्पनाने खेड पोलीस ठाण्यात नवरा बेपत्ता झाल्याची खोटी तक्रार नोंदवली. मात्र, चौकशीदरम्यान पोलिसांना तिच्या वर्तनावर संशय आला. पोलिसांनी जेव्हा तिच्या मोबाईलचे कॉल डिटेल्स (CDR) तपासले, तेव्हा कल्पना आणि गैनी पंडारी यांच्यात सतत संभाषण होत असल्याचे उघड झाले, ज्यामुळे पोलिसांचा संशय बळावला.