दुर्गादेवी मिरवणुकीत जनरेटरचा स्फोट, महाबळेश्वरमध्ये घडला अनर्थ

अचानक जनरेटरने घेतला पेट

महाबळेश्वरमधील कोळी आळीमधील दुर्गा माता मंडळाची विसर्जन मिरवणूक सुरू होती. ही मिरवणूक कोळी आळीमध्ये दिलीप रिंगे यांच्या घरासमोर आली असताना जनरेटरच्या पेट्रोल पाईपला गळती लागून जनरेटरने पेट घेतला. यावेळी दुर्गादेवीच्या मूर्तिजवळ बसलेली चार ते सात वयोगटातील 7-8 मुलं भाजून गंभीर जखमी झाल्याचे सांगण्यात आले आहे.

हे ही वाचा >> Dasara Melava 2023: ‘त्यांचे तळवे चाटायचं काम तुम्ही…’, CM शिंदेंची ठाकरेंवर जहरी टीका

कपड्यांमुळे बालकं जखमी

मुलांच्या अंगावरील सर्व कपडे जळाली असून त्यातील जखमींना येथील ग्रामीण रुग्णालयात भरती करण्यात आले होते. मात्र प्राथमिक उपचार केल्यानंतर सर्व जखमींना पुढील उपचारासाठी सातारा येथील वेदांत हॉस्पिटलमध्ये हलविण्यात आले आहे. या घटनेची माहिती तहसीलदार तेजस्विनी पाटील यांना मिळताच त्यांनी ग्रामीण रुग्णालयातील डॉक्टरांशी संपर्क साधून माहिती घेतली.

हे ही वाचा >> मुख्यमंत्र्यांनी मध्येच भाषण थांबवून शिवरायांची घेतली शपथ, नेमकं प्रकरणं काय?

अधिकाऱ्यांचीही धावाधाव

सध्या सर्व जखमी मुलांना सातारा येथील रुग्णालयात दाखल केले असून त्यांच्यावर उपाचर सुरु आहेत. माझी नगरसेवक संतोष आबा शिंदे यांनीही जखमींना रुग्णालयात दाखल करण्यासाठी प्रयत्न केले. प्रांताधिकारी राजेंद्र कुमार जाधव यांनीही या घटनेची माहिती घेऊन डॉक्टरांबरोबर संवाद साधला आहे.