हे ही वाचा : राज्य निवडणूक आयोगाची मार्करवरून पहिली प्रतिक्रिया म्हणाले, 'मार्करची शाई जाणं हा फेक नरेटीव्ह'

हॉटेलच्या खोलीत हाय व्होल्टेज ड्रामा

झाशीच्या नवाबाद पोलीस स्टेशन परिसरातील बस स्टँडजवळील कामा हॉटेलमध्ये ही घटना घडली. 11 जानेवारी रोजी एका तरुणाने त्याची पत्नी आणि तिच्या प्रियकराला रंगेहात पकडल्याने गोंधळ उडाला. पतीने आधीच पोलिसांना माहिती दिली होती. पोलिसांना हॉटेलच्या खोलीत पाहून प्रियकराची भंबेरी उडाली आणि तो बेडखाली लपला. मात्र त्याचा लपण्याचा हा प्रयत्न काही यशस्वी ठरला नाही. पोलिसांनी अखेर त्याला बाहेर काढले. हे सगळं घडत असताना हॉटेलच्या कॉरिडोरपासून खोलीपर्यंत बराच वेळ गोंधळ सुरू होता.

'माझा नवरा माझ्यासाठी मेलाय'

हा सगळा गोंधळ सुरु असतानाच पत्नीने आपल्या पतीला दोष देण्यास सुरुवात केली. उपस्थित लोकांसमोर आणि पोलिसांसमोर ओरडून ती म्हणाली, 'मी दोन वर्षांपासून माझ्या पतीसोबत राहत नाही. तो माझ्यासाठी मेला आहे आणि मी त्याला घटस्फोट देण्यास तयार आहे.' पत्नीच्या या वागण्याने पोलिस अधिकारी आणि हॉटेल कर्मचारी अवाक झाले. दरम्यान, या दोघांचे तीन वर्षांपूर्वीच लग्न झाले होते. मात्र लग्नानंतर लगेचच दोघांमध्ये वाद सुरू झाले. 2023 मध्ये पत्नीने तिच्या पतीविरुद्ध खटला दाखल केला, पण हा खटला मिटवण्यात आला. पतीने सांगितले की, नातं टिकवून ठेवण्यासाठी तो त्याच्या पत्नीसोबत सिप्री बाजार येथील तिच्या मामाच्या घरी राहायला गेला. महिनाभर सगळं सुरळीत चाललं मात्र पुन्हा परिस्थिती बिघडू लागली आणि पत्नी तिच्या प्रियकराला गुप्तपणे भेटत राहिली.