Ujjain Rape Case : ‘माझं तोंड दाबलं, कुर्ता फाडला अन्…’ , सैतानी कृत्य करणाऱ्याला पोलिसांनी कसं शोधलं?
उज्जैन येथे 25 सप्टेंबर रोजी एक धक्कादायक घटना घडली. संपूर्ण देश या घटनेनंतर हादरला आहे. एक अल्पवयीन मुलीवर बलात्कार झाला, त्यानंतर ती रस्त्यावर मदतीसाठी दारोदार भटकली पण कोणी तिला मदत केली नाही. तिचा व्हिडीओ सीसीटीव्ही कॅमेऱ्यात कैद झाला आहे.
ADVERTISEMENT
Ujjain Crime News : “रविवारी मी रस्त्याच्या कडेला बसले होते, तेव्हा एक अनोळखी व्यक्ती माझ्या जवळ आला. त्याने माझं तोंड दाबलं, नंतर माझा गळा दाबला. माझा कुर्ता फाडला. त्याने माझ्यासोबत चुकीचं कृत्य केलं. माझ्या प्रायव्हेट पार्टमधून रक्त येऊ लागलं. मी ओरडले तेव्हा, त्याने माझा पुन्हा गळा दाबला, तोंड दाबलं. त्यानंतर तो पळून गेला. मी बेशुद्ध झाले. सकाळ झाली तेव्हा मला शुद्ध आली. मी बडनगर रोडवर मंदिराजवळून पायी जात होते, तेव्हा आजूबाजूच्या लोकांनी मला कपडे दिले. पोलिसांना बोलावलं.” हे विधान बलात्कार झालेल्या 12 वर्षांच्या पीडित मुलीचं आहे. (Ujjain Rape Case How the Accused who raped a 12-year-old girl was arrested)
महाकालेश्वरची पवित्र नगरी उज्जैन येथे 25 सप्टेंबर रोजी एक धक्कादायक घटना घडली. संपूर्ण देश या घटनेनंतर हादरला आहे. एक अल्पवयीन मुलीवर बलात्कार झाला, त्यानंतर ती रस्त्यावर मदतीसाठी दारोदार भटकली पण कोणी तिला मदत केली नाही. तिचा व्हिडीओ सीसीटीव्ही कॅमेऱ्यात कैद झाला आहे.
Nanded Hospital : नांदेडनंतर संभाजीनगरातही मृत्यूतांडव! ‘घाटी’त 10 रुग्णांचा मृत्यू
प्राथमिक उपचारानंतर मुलीला पुन्हा जीवदान मिळाले, तिने पोलिसांना जीवन खेरी या एका परिसराचे नाव सांगितले. हा तो परिसर होता जिथे ऑटोचालकाने पीडित मुलीला ऑटोमध्ये बसवलं होतं. जिथे तिच्यावर बलात्कार झाला तो परिसर तिथून थोड्याच अंतरावर होता. यानंतर या प्रकरणाचा तपास करणाऱ्या उज्जैन पोलिसांकडे दोन ठिकाणे होती. एक म्हणजे मुलीने सांगितलेले ठिकाण आणि दुसरे सीसीटीव्ही फुटेज जिथून समोर आले होते ते ठिकाण. या दोन्ही ठिकाणांमधली परिसरात पोलिसांनी तपास सुरू केला.
ज्याठिकाणी सीसीटीव्ही कॅमेरे बसवण्यात आले, त्यांचे फुटेज तपासण्यात आले. काही फुटेजमध्ये मुलगी ऑटोमध्ये बसलेली दिसत होती. ऑटोची ओळख पटली. ऑटो क्रमांक MP13 R5204. चालकाचे नाव भरत सोनी. पोलिसांनी भरत सोनीला पकडले. पोलिसांनी ऑटोची तपासणी केली असता, त्यात रक्ताचे डाग आढळले. पोलिसांनी भरत सोनीला घटनास्थळी नेले, भरतने पळून जाण्याचा प्रयत्न केला. पण तो पडला आणि त्याचा गुडघा फुटला, त्याचे फोटो व्हायरल झाले. न्यायालयात हजर केले असता त्याला 7 दिवसांची न्यायालयीन कोठडी सुनावण्यात आली.
हे वाचलं का?
