वाल्मिक कराड आणि सुदर्शन घुलेला तुरूंगात मारहाण करणारे 'ते' दोघं आहेत तरी कोण?

वाल्मिक कराड आणि सुदर्शन घुलेला मारहाण करणारे दोन आरोपी कोण?

महादेव गित्ते हा परळीचा असून शशिकांत उर्फ बबन गित्ते यांचा तो भाऊ आहे. परळी मतदारसंघातील सरपंच बापू आंधळे यांची भर चौकामध्ये गोळ्या झाडून हत्या करण्यात आली होती. या घटनेला एक वर्ष पूर्ण झालं असून या प्रकरणातील आरोपी महादेव गित्ते आणि शशिकांत उर्फ बबन गित्ते आहेत. यापैकी बबन गित्ते हा अद्यापही फरार असून महादेव गित्ते हा जिल्हा कारागृहामध्ये आहे.

हे ही वाचा>> वाल्मिक कराड आणि सुदर्शन घुलेसोबत तुरुंगात काय घडलं? दोन टोळ्या भिडल्याच्या माहितीनंतर खळबळ

गित्ते गँग आणि कराड यांच्यामध्ये सुरुवातीपासूनच राजकीय वाद आहे. परळी मतदारसंघांमध्ये या दोन्ही अनेकदा आमने-सामने आल्याचे पाहायला मिळालं आहे.

नेमका कोण आहे अक्षय आठवले?

अक्षय आठवले हा सनी आठवलेचा भाऊ असून बीड शहरामध्ये त्याच्यावर अनेक गुन्हे दाखल आहेत. मकोका अंतर्गत झालेल्या कारवाईमध्ये आठवले गँगवर कारवाई करण्यात आली होती.