Ashok Chavan : 'माझी बदनामी नको असेल, तर...'; चव्हाणांची भावनिक साद
Ashok Chavan Latest News : काँग्रेसमधून भाजपमध्ये गेलेले नेते अशोक चव्हाण हे सध्या प्रतापराव पाटील चिखलीकर यांना निवडून आणण्यासाठी गावागावात फिरताना दिसत आहेत.
ADVERTISEMENT
बातम्या हायलाइट
नांदेड लोकसभा मतदारसंघ निवडणूक २०२४
अशोक चव्हाणांकडून लोकसभा मतदारसंघात प्रचार
समर्थकांना प्रतापराव पाटील चिखलीकर यांना निवडून देण्याचे आवाहन
Ashok Chavan, Nanded Lok Sabha Election 2024 : लोकसभा निवडणुकीच्या तोंडावर काँग्रेसमधून भाजप गेलेल्या अशोक चव्हाणांची प्रतिष्ठा पणाला लागली आहे. नांदेड लोकसभा मतदारसंघाची निवडणूक भाजपला जड जाताना दिसत असल्याची चर्चा स्थानिक राजकारणात सुरू असून, अशोक चव्हाण यांनी केलेल्या एका विधानामुळे त्याला आणखी हवा दिली आहे. (Ashok Chavan appeal to his supporters that cast vote to bjp candidate)
अशोक चव्हाण यांनी भाजपत गेल्यानंतर आता प्रतापराव चिखलीकर यांचा प्रचार सुरू केला आहे. ते गावागावांत फिरत आहेत. समर्थकांना आणि कार्यकर्त्यांना भाजपला मतदान करण्याचे आवाहन करत आहे. काही ठिकाणी त्यांना मराठा समाजाच्या रोषालाही सामोरे जावे लागले. पण, आता चव्हाणांनी केलेल्या एका विधानाने सगळ्याचेच लक्ष वेधून घेतले.
काय म्हणाले अशोक चव्हाण?
खासदार अशोक चव्हाण प्रचार बैठका घेत आहेत. येहळेगाव परिसरात झालेल्या बैठकीत बोलताना अशोक चव्हाण म्हणाले, "मोदींना पुन्हा पंतप्रधान करायचे आहे. त्यासाठी मी नांदेडच्या जागेची गॅरंटी दिली आहे. तुम्ही सर्वांनी मिळून गावागावात लीड दिली पाहिजे. येहळेगाव हे गाव माझ्या कारखान्याच्या हद्दीतील आहे. येथून लीड देण्याची तुमची जबाबदारी आहे. वरिष्ठ नेत्यांकडे माझी बदनामी होऊ नये, असे तुम्हाला वाटत असेल, तर मताधिक्य द्या", अशी भावनिक साद त्यांनी घातली.
हेही वाचा >> आंबेडकरांनी उदयनराजेंविरोधात उतरवला 'वंचित'चा उमेदवार
चिखलीकरांपेक्षा चव्हाणांची प्रतिष्ठा पणाला...
अशोक चव्हाण यांना भाजपने नांदेडची जागा जिंकण्यासाठी पक्षात घेतल्याचे दावे विरोधकांकडून केले जात आहेत. असं असलं तरी सध्या नांदेडच्या निवडणुकीत प्रतापराव पाटील चिखलीकर यांच्यापेक्षा अशोक चव्हाण यांचीच प्रतिष्ठा पणाला लागली आहे. त्यामुळे ते मतदारसंघात जास्त फिरताना दिसत आहे. प्रत्येक कार्यकर्त्यांशी आणि गावागावांत जाण्याचे प्रयत्न करत आहेत.
हे वाचलं का?
