Baramati Lok Sabha : बारामतीतील मतदानासंदर्भात निवडणूक आयोगाचा मोठा निर्णय
Baramati Lok Sabha Election 2024 : शरद पवार यांच्या राष्ट्रवादी काँग्रेसने तक्रार केल्यानंतर निवडणूक आयोगाने महत्त्वाचा निर्णय घेतला आहे.
ADVERTISEMENT
बातम्या हायलाइट
बारामती लोकसभा मतदारसंघ निवडणूक २०२४
निवडणूक आयोगाने सहकारी बँकांचे फोटो पासबुक ओळखपत्र म्हणून स्वीकारण्यास केली बंदी
Baramati Lok Sabha election update : शरद पवार यांच्या राष्ट्रवादी काँग्रेसने केलेल्या तक्रारीची गंभीर दखल निवडणूक आयोगाने घेतली आहे. राज्याच्या निवडणूक आयोगाने बारामती लोकसभा मतदारसंघात मतदान प्रक्रियेसंदर्भात महत्त्वाचे आदेश जिल्हा निवडणूक अधिकाऱ्यांना दिले आहेत. सहकारी बँकांचे फोटो पासबुक मतदार ओळखपत्र म्हणून न स्वीकारण्याचे आदेश दिले आहेत. (The Election Commission has ordered that passbooks of cooperative banks should not be accepted as voter ID cards)
बारामती लोकसभा मतदारसंघात अजित पवार आणि शरद पवार यांची प्रतिष्ठा पणाला लागली आहे. बारामती लोकसभा मतदारसंघात आपला उमेदवार निवडून आणण्यासाठी प्रयत्नांची पराकाष्ठा सुरू आहे.
दरम्यान, पुणे जिल्हा मध्यवर्ती सहकारी बँकेच्या एक शाखेतून मतदानासंदर्भात गैरप्रकार होत असल्याची तक्रार राष्ट्रवादी काँग्रेस शरदचंद्र पवार पक्षाने राज्य निवडणूक आयोगाकडे केली होती. या तक्रारीची गंभीर दखल आयोगाने घेतली आहे.
आयोगाने आदेशात काय म्हटले आहे?
निवडणूक आयोगाने मतदारांची ओळख पटवून घेण्यासाठी मतदान ओळखपत्राशिवाय आधार कार्ड, वाहनचालक परवाना, पॅन कार्ड, फोटो असलेले बँक/पोस्टाचे पासबुक, पासपोर्ट, राज्य व केंद्र शासनाच्या सेवेत असल्याचे ओळखपत्र पुरावे म्हणून तपासण्यात येतात.
हे वाचलं का?
