Lok Sabha Election 2024: Devendra फडणवीसांनी फॉर्म्युला फोडला, शिंदेंना किती आणि कोणत्या जागा?
Devendra Fadnavis: महायुतीचं जागा वाटप हे अद्यापही पूर्णपणे पार पडलेलं नाही. मात्र एका मुलाखतीत देवेंद्र फडणवीस यांनी याबाबत एक मोठं विधान केलं आहे. पाहा फडणवीस नेमकं काय म्हणाले.
ADVERTISEMENT
Devendra Fadnavis Mahayuti: मुंबई: लोकसभा निवडणूक 2024 (Lok Sabha Election 2024) च्या पहिल्या टप्प्याचं मतदान अवघ्या दोन दिवसांवर येऊन ठेपलेलं असतानाही महायुतीचं संपूर्ण जागा वाटप अद्यापही जाहीर झालेलं नाही. महायुतीच्या जवळजवळ 9 जागांवरील उमेदवार हे अजूनही जाहीर करण्यात आलेले नाहीत. मात्र, भाजप नेते आणि उपमुख्यमंत्री देवेंद्र फडणवीस यांनी आता जागा वाटपाचा फॉर्म्युला स्वत:च फोडला आहे. (lok sabha election 2024 devendra fadnavis broke the seat allocation formula how many and which seats will be given to shinde shiv sena)
न्यूज 18 लोकमत या वृत्तवाहिनीला दिलेल्या मुलाखतीत देवेंद्र फडणवीस यांनी शिवसेनेला (शिंदे गट) किती जागा दिल्या आहेत यावर मोठं विधान केलं आहे. यासोबत भुजबळांच्या उमेदवारीबाबत देखील त्यांनी मोठं विधान केलं आहे.
पाहा देवेंद्र फडणवीस नेमकं काय म्हणाले...
देवेंद्र फडणवीसांनी सांगितला फॉर्म्युला...
'शिवसेना पक्षाचे सीट आम्ही ठरवत नाही.. त्यांचे जेवढे सीटिंग लोक आले आहेत तेवढ्या सीटिंग सीट त्यांना मिळाल्या आहेत, सगळ्या.. असं कुठेही नाही की, त्यांच्या सीटिंग सीट आम्ही घेतल्या आहेत. उलट त्यापेक्षा जास्त जागा त्यांना मिळतायेत..'
'आमचा आग्रह होता की, एखाद-दुसरी जागा आम्हाला मिळावी.. सीटिंग नाही.. जी त्यांना मिळाली सीटिंग नसलेली.. ती आम्हाला मिळावी.. पण ठीक आहे असे आग्रह असतात. ते कमी जास्त होतात.'
हे वाचलं का?
