PM Modi: 'तेव्हा उद्धव ठाकरेंना मदत करणारा मी पहिला व्यक्ती असेन..', मोदींच मोठं विधान
PM Modi on Uddhav Thackeray: उद्धव ठाकरे माझे शत्रू नाहीत. जर उद्या ते अडचणीत आले तर मी पहिला व्यक्ती असेन की, मी त्यांची मदत करेन. असं पंतप्रधान मोदी म्हणाले.
ADVERTISEMENT
Maharashtra Lok Sabha Election 2024 PM Modi and Uddhav Thackeray: मुंबई: लोकसभा निवडणूक 2024 च्या प्रचारात शिवसेना (UBT) चे पक्षप्रमुख उद्धव ठाकरे हे पंतप्रधान मोदी आणि भाजपवर तुफान टीका करत आहेत. तर दुसरीकडे पंतप्रधान मोदी देखील ठाकरेंवर टीकेची झोड उठवत आहेत. मात्र, असं असलं तरी मोदींनी टीव्ही 9 मराठी वृत्तवाहिनीला दिलेल्या मुलाखतीत एक मोठं विधान केलं आहे. (lok sabha election 2024 if uddhav thackeray gets into trouble in future i will be the first person to help him pm modi big statement)
'बाळासाहेबांचे पुत्र म्हणून मी त्यांचा मानसन्मान करेनच.. ते माझे शत्रू नाहीत. जर उद्या ते अडचणीत आले तर मी पहिला व्यक्ती असेन की, मी त्यांची मदत करेन.' असं विधान पंतप्रधान नरेंद्र मोदींनी मुलाखतीत केलं आहे.
पाहा उद्धव ठाकरेंबाबत नेमकं काय म्हणाले पंतप्रधान नरेंद्र मोदी
प्रश्न: तुम्ही उद्धव ठाकरेंना बाळासाहेबांचे उत्तराधिकारी मानतात की नाही?
पंतप्रधान मोदी: दोन गोष्टी आहेत.. ते बायोलॉजिकली त्यांचे पुत्र आहेतच.. त्याबाबत काही विषयच नाही.. जेव्हा उद्धव ठाकरे आजारी होते मी त्यांना तात्काळ फोन केला होता. मी नेहमी वहिनींना (रश्मी ठाकरे) करून उद्धव ठाकरेंची विचारपूस करायचो.
हे वाचलं का?
