Mumbai Tak Chavadi : ''... नाहीतर ठाकरे, पवारांनी भाजप संपवली असती''

ठाकरे सरकारमधील नेत्यांचे घोटाळे बाहेर काढून त्यांच्यामागे चौकशी लावणे ही तेव्हाजी राजकीय गरज होती. जर तसे नाही केले नसते तर, शरद पवार आणि उद्धव ठाकरे यांनी भाजप संपवली असती, विरोधकांना संपवलं असतं. जेलमध्ये टाकलं असतं, असे किरीट सोमय्या यांनी सांगितले. भाजप नेत्यांचं आधीच ठरलं होतं, यापुढे भ्रष्टाचार नाही. म्हणून आम्ही कोणत्याही नेत्याची केस मागे घेतली नाही. त्यांच्यावर कारवाई सूरू असल्याचे किरीट सोमय्या यांनी स्पष्ट केले. तसेच यापुढे भ्रष्टाचार अजिबात चालणार नाही. जर परत असे भ्रष्टाचार सुरू झाले तर किरीट सोमय्या पुन्हा आवाज उठवणार. सत्तेतल्या नेत्यांचाही भ्रष्टाचार समोर आला तरी मी ऐकणार नाही, असे किरीट सोमय्या यांनी सांगितले आहे. 

हे ही वाचा : निंबाळकरांसमोर अजित पवारांनी उतरवला उमेदवार, कोण आहेत अर्चना पाटील?

मातोश्रीचा भ्रष्टाचार बाहेर काढण्याचे आदेश मला देवेंद्र फडणवीस आणि दिल्लीतून देण्यात आले होते. माझा याला नकार होता. मात्र देवेंद्र फडणवीस यांनी हा पक्षाचा आदेश आहे, असे सांगत मला भ्रष्टाचार बाहेर काढायला लावले, असे किरीट सोमय्या यांनी सांगितले. 

हे ही वाचा : काँग्रेसने भिवंडीची जागाही गमावली, पवारांनी जाहीर केला उमेदवार

वाशिममध्ये भावना गवळीच्या मतदार संघात गावातल्या एका रस्त्यात लोकांनी मला घेराव केला होता.  दगडफेक केली. जेम तेम वाचलो होतो. या घटनेच्या 10 मिनिटानंतर अमित शाह यांचा फोन आला आणि विचारणा झाली कुठे लागलं का? आणि दुसऱ्या दिवशी मला झेड सिक्युरीटी मिळाली. पक्षाने मला ही सिक्युरीटी देऊन माझ्या कामाची पोचपावती दिली होती, असे किरीट सोमय्या यांनी सांगितले.