Exclusive: '2009 सालीच NCP भाजपसोबत जाणार होती..', सुनील तटकरेंचा गौप्यस्फोट
Lok Sabha Election 2024: राष्ट्रवादी काँग्रेस ही 2009 सालीच भाजप किंवा शिवसेनेसोबत जाणार होती. असा खळबळजनक दावा सुनील तटकरे यांनी मुंबई Tak ला दिलेल्या विशेष मुलाखतीत केला आहे.
ADVERTISEMENT
Lok Sabha Election 2024 Sunil Tatkare Exclusive interview: अभिजीत करंडे, मुंबई: '2009 सालीच राष्ट्रवादी काँग्रेस ही शिवसेना किंवा भाजपसोबत जाणार होती.. याबाबत चर्चा देखील झाली होती आणि तेव्हा त्या चर्चेत मी देखील होतो..' असा मोठा गौप्यस्फोट राष्ट्रवादी काँग्रेसचे (अजित पवार गट) प्रदेशाध्यक्ष आणि खासदार सुनील तटकरे यांनी मुंबई Tak ला दिलेल्या Exclusive मुलाखतीत केला आहे. (mumbai tak exclusive interview in 2009 ncp was going to go with bjp or shiv sena sunil tatkare secret blast lok sabha election 2024)
'भाजपसोबत गेल्यानंतर अजित पवारांवर जे आरोप केले जात आहेत ते आरोप एकतर्फी आहेत. त्या आरोपात तथ्य नाही.. भाजपसोबत चर्चा ही 2019 किंवा 2014 पासून नाही तर 2009 सालापासूनच सुरू होती.' असं विधान करत सुनील तटकरे यांनी महाराष्ट्राच्या राजकारणात एक नवी खळबळ उडवून दिली आहे. मुंबई Tak सोबत बोलताना त्यांचा सगळा रोख हा शरद पवार यांच्याकडे होता. मात्र, याबाबत त्यांनी कुठेही थेट नाव मात्र घेतलं नाही.
लोकसभा निवडणुकीच्या तोंडावर सुनील तटकरेंनी केलेलं हे विधान अत्यंत महत्त्वाचं आहे. कारण यामुळे आता नव्या राजकारणाला सुरुवात होण्याची शक्यता आहे.
सुनील तटकरेंचा खळबळजनक दावा.. पाहा नेमकं काय म्हणाले..
'आम्हाला असं अजिबात वाटत नाही की, आम्हाला ट्रॅप करण्यात आलं.. आम्ही एक भूमिका घेऊन जी स्वर्गीय चव्हाण साहेबांनी वारंवार मांडली.. तो काळ 60 वर्षांपूर्वीचा होता की, बहुजनांच्या हितासाठी सत्तेत असलं पाहिजे. आज आम्ही नक्कीच दावा करू शकतो की, आमच्या सत्तेतील सहभागानंतर प्रत्येक विधानसभा मतदारसंघातील आमदारांसाठी कोट्यवधी रुपयांचा निधी मिळाला आणि त्या भागाचा विकास झाला.'
हे वाचलं का?
