Lok Sabha 2024 : महाराष्ट्राआधी एनडीएचे बिहारमध्ये जागावाटप, भाजपला किती?
Bihar: Seats divided in NDA, BJP-17, JDU-16 will contest elections : एनडीएने बिहारमधील जागावाटपाची घोषणा केली आहे.
ADVERTISEMENT
बातम्या हायलाइट
लोकसभा निवडणूक निवडणूक २०२४
बिहारमध्ये लोकसभेच्या जागावाटपाची घोषणा
भाजप बिहारमध्ये लढवणार १७ जागा
Bihar Lok Sabha Seats Sharing : बिहारमध्ये लोकसभा निवडणुकीसाठी एनडीएचे जागावाटप झाले आहे. चिराग पासवान यांच्या लोक जनशक्ती पक्ष (रामविलास) पाच जागा देण्यात आल्या आहेत. भाजपचे बिहार प्रभारी विनोद तावडे यांनी एनडीए नेत्यांसोबत पत्रकार परिषद घेऊन जागांची घोषणा केली.
ठरलेल्या फॉर्म्युल्यानुसार भाजप 17 जागांवर, तर नितीश कुमार यांची जेडीयू 16 जागांवर निवडणूक लढवणार आहे. चिराग पासवान यांच्या पक्षाला 5 जागा, मांझी यांच्या हिंदुस्तानी अवाम मोर्चाला (HAM) पक्षाला 1 जागा आणि उपेंद्र कुशवाह यांच्या पक्षाला 1 जागा देण्यात आली आहे.
महत्त्वाची गोष्ट म्हणजे यात पशुपती पारस यांच्या लोक जनशक्ती पक्षाला एकही जागा मिळालेली नाही. काही दिवसांपूर्वी पारस यांनी बंडखोरीचे संकेत दिले होते आणि त्यांच्यासमोर पर्याय खुले असल्याचे सांगितले होते.
या जागांवर भाजप लढवणार निवडणूक
पश्चिम चंपारण, पूर्व चंपारण, औरंगाबाद, मधुबनी, दरभंगा, मुझफ्फरपूर, महाराजगंज, सारण, उजियारपूर, बेगुसराय, नवादा, पटना साहिब, पाटलीपुत्र, अराह, बक्सूर, सासाराम आणि अररिया.
हे वाचलं का?
