Vidhan Parishad Election : महायुतीत 'बिघाडी'! उद्धव ठाकरे-काँग्रेसने घेतले जुळवून

मुंबई तक

ADVERTISEMENT

देवेंद्र फडणवीस, एकनाथ शिंदे, अजित पवार, नाना पटोले आणि उद्धव ठाकरे.
महाविकास आघाडी आणि महायुतीचे नेते.
social share
google news

बातम्या हायलाइट

point

विधान परिषद निवडणूक २०२४

point

उद्धव ठाकरे आणि काँग्रेसने घेतले जुळवून

point

भाजप विरुद्ध शिवसेना विरुद्ध राष्ट्रवादी काँग्रेस लढत

Vidhan Parishad Election 2024 : रिक्त झालेल्या विधान परिषदेच्या चार जागांसाठी निवडणूक होत आहे. २६ जून रोजी मतदान होत असून, अर्ज मागे घेण्याच्या अखेरच्या दिवशी उद्धव ठाकरे आणि काँग्रेसने जुळवून घेतले. मात्र, महायुतीतील दोन पक्ष एकमेकांविरुद्ध उभे ठाकले आहेत. (Maharashtra Vidhan Parishad Elecitons 2024 Latest news)

महाविकास आघाडीने कसं जुळवून आणलं गणित?

काँग्रेस आणि उद्धव ठाकरेंच्या शिवसेनेचे एकमत होणार की नाही, याकडे लक्ष होते. पण, दोन्ही पक्षांनी जुळवून घेतले. 

उद्धव ठाकरे यांनी कोकण पदवीधर मतदारसंघातील उमेदवार किशोर जैन यांची उमेदवारी मागे घेतली. तर काँग्रेसने नाशिक शिक्षक मतदारसंघातील उमेदवार दिलीप पाटील यांची उमेदवारी मागे घेतली.

हे वाचलं का?

ADVERTISEMENT

हेही वाचा >> काही झालं तरी महाराष्ट्राची सत्ता हातात घ्यायची -शरद पवार 

शरद पवारांच्या राष्ट्रवादी काँग्रेसच्या अमित सरैया यांनी उमेदवारी मागे घेतली. मुंबई शिक्षक मतदारसंघातूनही काँग्रेसच्या प्रकाश सोनवणे यांनी अर्ज मागे घेतल्याने मविआतील वाद मिटला. 

मुंबई पदवीधर मतदारसंघ (mumbai graduate constituency)

अनिल परब - शिवसेना (उद्धव बाळासाहेब ठाकरे)
किरण शेलार (भाजप)

ADVERTISEMENT

मुंबई शिक्षक मतदारसंघ (mumbai teacher constituency)

शिवाजी नलावडे (राष्ट्रवादी काँग्रेस -अजित पवार)
ज.मो. अभ्यंकर (शिवसेना उद्धव बाळासाहेब ठाकरे)
शिवनाथ दराडे (भाजप)
सुभाष मोरे (समाजवादी गणराज्य पक्ष)

ADVERTISEMENT

कोकण पदवीधर मतदारसंघ (Kokan graduate constituency)

निरंजन डावखरे (भाजप)
रमेश कीर (काँग्रेस)

नाशिक शिक्षक मतदारसंघ (Nashik teacher constituency)

संदीप गुळवे (शिवसेना उद्धव बाळासाहेब ठाकरे)
किशोर दराडे (शिवसेना)
महेंद्र भावसार (राष्ट्रवादी काँग्रेस -अजित पवार)

दोन मतदारसंघात महायुतीत 'बिघाडी'

मुंबई शिक्षक मतदारसंघ आणि नाशिक शिक्षक मतदारसंघात महायुतीत बिघाडी झाली. मुंबई शिक्षक मतदारसंघातून अजित पवारांच्या राष्ट्रवादीचे शिवाजी नलावडे हे उमेदवार आहेत. तर महायुतीतील मित्रपक्ष असलेल्या भाजपने शिवनाथ दराडे यांना उमेदवारी दिलेली आहे. त्यामुळे मते फुटण्याचा धोका असून, मविआला फायदा होऊ शकतो.

हेही वाचा >> शिंदेंचे 17 आमदार 'डेंजर झोन'मध्ये, विधानसभा जिंकणं कठीण? 

दुसरीकडे नाशिक शिक्षक मतदारसंघातही अशीच परिस्थिती आहे. नाशिकमध्ये एकनाथ शिंदेंच्या शिवसेनेचे किशोर दराडे आणि अजित पवारांच्या राष्ट्रवादी काँग्रेसचे महेंद्र भावसार हे उमेदवार आहेत. त्यामुळे महायुतीला दोन मतदारसंघांमध्ये जुळवून घेण्यात अपयश आल्याचे दिसले. 

    follow whatsapp

    ADVERTISEMENT