Vijay Shivtare : 'महाविकास आघाडीच पलटूरामांचा मेळावा...,' व्हायरल पत्राला शिवतारेंच्या कार्यकर्त्यांचे सडेतोड उत्तर
Vijay shivtare shiv sena worker reply viral Letter : बापूंनी अजित पवारांशी तह केल्याचं दुःख शिवसैनिकांना अजिबात नाही. पण त्यामुळे महाविकास आघाडीच्या तंबूत किती घबराट निर्माण झाली आहे ते अशा बोगस पत्रामुळेच आम्हाला समजलं.
ADVERTISEMENT
Vijay shivtare shiv sena worker reply viral Letter : बारामती लोकसभा मतदार संघात बंडाचा झेंडा फडकावलेल्या शिंदेच्या शिवसेनेचे नेते विजय शिवतारे यांचे अजित पवारांसोबत मनोमिलन झाले आहे. या मनोमिलनानंतर शिवसैनिकांनी पत्र लिहून माझा नेता पलटूराम अशी टीका विजय शिवतारे यांच्यावर केली होती.या टीकेला आता पत्राच्याच माध्यमातून शिवतारेंच्या कार्यकर्त्यांनी जोरदार प्रत्युत्तर दिले आहे. (vijay shivtare shiv sena work reply viral shiv sainik letter baramati lok sabha election 2024 ajit pawar)
शिवतारेंच्या कार्यकर्त्यांचे पत्र जसंच्या तसं...
(बोगस शिवसैनिकास खऱ्या आणि विजय शिवतारेंच्या कडवट शिवसैनिकाचे उत्तर)
प्रिय बोगस शिवसैनिक मित्रा
सप्रेम जय महाराष्ट्र !
तू बोगस पत्रप्रपंच केलास हे पत्रातल्या पहिल्या वाक्यातूनच पुरंदर हवेली मतदारसंघातील शिवसैनिकांनी ओळखलं होतं. शिवसैनिक कधीही स.न.वि.वि. वगैरे शब्दावलीने पारंपारीक पद्धतीचं पत्रलेखन करीत नाही. जय महाराष्ट्र हे आदरणीय बाळासाहेबांनी दिलेलं संबोधन त्याच्या कायम ओठावर असतं. निनावी पत्र लिहिण्यापेक्षा तो बिनधास्त स्वतःच्या नावाने पत्र लिहितो. त्यामुळे हा उपद्व्याप केवळ महायुतीला विरोधासाठीच केलेला असल्याने आम्ही त्याला गांभीर्याने घेत नाही. तसंही तू आधी सामान्य बारामतीकर म्हणून केलेला असाच निनावी पत्रव्यवहार आम्ही अजून विसरलो नाही.
हे वाचलं का?
