Maharashtra DCM:'या' 5 जणांपैकी कोण होऊ शकतं उपमुख्यमंत्री, फडणवीसांच्या दिल्लीत दौऱ्यात नेमकं काय घडलं?
Devendra Fadnavis and DCM Candidate: देवेंद्र फडणवीस यांनी जर उपमुख्यमंत्री पद सोडलं तर अशावेळी राज्यातील भाजपचे 5 असे नेते आहेत की ज्यांच्या नावाचा उपमुख्यमंत्री पदासाठी विचार केला जाऊ शकतो.
ADVERTISEMENT
Maharashtra DCM Candidate: मुंबई: लोकसभा निवडणूक 2024 मध्ये महाराष्ट्रात झालेल्या दारूण पराभवनंतर उपमुख्यमंत्री देवेंद्र फडणवीस यांनी त्यांच्या राजीनाम्याची तयारी दर्शवली होती. याबाबत त्यांनी काल (7 जून) गृहमंत्री अमित शाह यांच्याशी चर्चा देखील केली. महाराष्ट्रातील लोकसभा निवडणुकीतील भाजपच्या खराब कामगिरीनंतर फडणवीस यांनी आपले पद सोडून पक्षासाठी संपूर्ण वेळ द्यायचा असल्याचं म्हटलं आहे. (who among the 5 important leaders of bjp in maharashtra can become the deputy chief minister what exactly happened during devendra fadnavis visit to delhi)
बुधवारी झालेल्या भाजप कोअर कमिटीच्या बैठकीनंतर फडणवीस यांनी या वर्षी ऑक्टोबर-नोव्हेंबरमध्ये होणाऱ्या विधानसभा निवडणुकीच्या पार्श्वभूमीवर सरकारमधून आपल्याला मोकळं करण्यात यावं जेणेकरून पक्षासाठी पूर्ण वेळ काम करता येईल असं म्हटलं होतं. याच मुद्द्यावर चर्चा करण्यासाठी फडणवीसांनी पक्षाच्या शीर्ष नेत्याची भेटही घेतली.
दरम्यान, सूत्रांनी दिलेल्या माहितीनुसार, अमित शाह यांनी फडणवीस यांना महाराष्ट्र सरकारसाठी काम करत राहण्यास आणि राज्यात भाजपला पुनरुज्जीवित करण्यासाठी योजना तयार करण्यास सांगितले आहे. महाराष्ट्रात या वर्षी ऑक्टोबरच्या आसपास विधानसभा निवडणुका होऊ शकतात.
"तुम्ही राजीनामा दिल्यास भाजप कार्यकर्त्यांच्या मनोधैर्यावर परिणाम होईल. त्यामुळे आता राजीनामा देऊ नका," असं शहा फडणवीसांना म्हणाले. तिसऱ्यांदा पंतप्रधानपदाची शपथ घेतल्यानंतर पंतप्रधान नरेंद्र मोदी यांच्या राजीनाम्याबाबत सविस्तर चर्चा करणार असल्याचे शहा म्हणाले. हा शपथविधी सोहळा रविवारी संध्याकाळी होणार आहे.
हे वाचलं का?
