हे ही वाचा : नागपुरात 37 वर्षीय महिलेवर 34 वर्षीय तरुणाचा बलात्कार... तिच्या मुलीसोबत देखील अश्लील कृत्य! प्रॉपर्टी डीलर अटकेत

भावानेच केली हत्या

उत्तर प्रदेशातील उन्नावमधील ही घटना आहे. उमाकांतीचे लग्न 30 नोव्हेंबर 2025 रोजी झाला होता. आरोपी भाऊ अजय हा बुधवारी बहिणीला माहेरी घेऊन  येण्यासाठी गेला होता. मात्र, रात्रीच्या वेळी त्याने बहिणीची गळा दाबून तिचा खून केला. विशेष म्हणजे, अजयने बहिणीचे सोन्याचे दागिने आणि दोन मोबाईल एका पिशवीत बांधून कालव्यात फेकून दिले. हत्येनंतर पोलिसांनी मृतदेहाचे पोस्ट मार्टम केले, मात्र पती महाराष्ट्रात असल्याने अंत्यसंस्कारासाठी त्याची प्रतीक्षा केली जात होती. शुक्रवारी पती रिंकू गावी परतल्यानंतर उमाकांतीवर अंत्यसंस्कार करण्यात आले. 

वडिलांची भूमिका काय?

या क्रूर कृत्यामुळे संतापलेल्या वडिलांनी आपल्या मुलाचा त्याग करण्याचा निर्णय घेतला आहे. वडील रामनरेश यांनी स्पष्ट केले की, ते तुरुंगात गेलेल्या अजयची कोणत्याही प्रकारची बाजू घेणार नाहीत किंवा त्याच्या सुटकेसाठी प्रयत्न करणार नाहीत. 'जो स्वतःच्या मोठ्या बहिणीला मारू शकतो, तो भविष्यात कोणाचेही आयुष्य संपवू शकतो, त्यामुळे त्याचे तुरुंगात राहणेच योग्य आहे,' अशी उद्विग्न प्रतिक्रिया पित्याने दिली. हत्येपूर्वी अजयला त्याच्या वडिलांनी 17 हजार रुपयांच्या चोरीच्या आरोपावरून घरातून हाकलले होते, तेव्हा तो पाच दिवस आपल्या प्रेयसीच्या घरी लपून बसला होता.