अमेरिकन पॉप गायक निक जोनसने परिधान केला सोलापुरी चादरीपासून शिवलेला शर्ट, फोटो व्हायरल
सोलापूरची चादर संपूर्ण राज्यातच नव्हे तर देशभरात प्रसिद्ध आहे.मात्र आता ही चादर जगभरात पोहोचलीय असं म्हटल्यास वावगं ठरणार नाही.अमेरिकन गायक आणि अभिनेत्री प्रियांका चोप्राचा पती निक जोनस याने याच सोलापुरी चादरपासून बनवण्यात आलेला ड्रेस परिधान केलाय. स्वत: निक जोनस याने या सोलापुरी चादरीच्या शर्टमध्ये घातलेले फोटो इंस्टाग्रामवर पोस्ट केले आहेत. सेंट लुईसमध्ये झालेल्या कार्य़क्रमात या कपड्यांनी उब दिली […]
ADVERTISEMENT
सोलापूरची चादर संपूर्ण राज्यातच नव्हे तर देशभरात प्रसिद्ध आहे.मात्र आता ही चादर जगभरात पोहोचलीय असं म्हटल्यास वावगं ठरणार नाही.अमेरिकन गायक आणि अभिनेत्री प्रियांका चोप्राचा पती निक जोनस याने याच सोलापुरी चादरपासून बनवण्यात आलेला ड्रेस परिधान केलाय.
स्वत: निक जोनस याने या सोलापुरी चादरीच्या शर्टमध्ये घातलेले फोटो इंस्टाग्रामवर पोस्ट केले आहेत. सेंट लुईसमध्ये झालेल्या कार्य़क्रमात या कपड्यांनी उब दिली असे म्हणत त्याने हे फोटो पोस्ट केले आहेत. या फोटोत दिसणाऱ्या कपड्यात सोलापुरातील चाटला टेक्स्टाईल इंडिस्ट्रीजचा लोगो प्रिंट करण्यात आला आहे.
याबाबत बोलताना चाटला टेक्सटाइल इंडस्ट्री चे गोवर्धन चाटला म्हणाले , चाटला टेक्स्टाईल इंडस्ट्रिजमध्ये दरवर्षी फॅशन डिजाईन शिकणारे विद्यार्थी इंटनर्शिपसाठी येत असतात. तसेच देशभरात देखील चादरचे डिलर आहेत.त्यांच्यामाध्यमातून ही चादर निक यांच्यापर्यंत पोहोचली असावी अशी माहिती गोवर्धन चाटला यांनी दिली.
