मुंबईतील 32 वर्षीय पोलिसाचं प्रेमप्रकरणातून टोकाचं पाऊल, गर्लफ्रेंडच्या वडिलांनी धमकी दिल्याचा आरोप, सुसाईड नोटमध्ये...

हे ही वाचा : नवविवाहित तरुणाच्या गुद्दद्वारात 36 तास पाण्याची बाटली अडकली, शस्त्रक्रियेनंतर डॉक्टरांनी सांगितलं धक्कादायक कारण

मुंबई पोलिसात रुजू झालेल्या तरुणाचं प्रेमप्रकरणातून टोकाचं पाऊल

पोलिसांनी दिलेल्या माहितीनुसार, मृताची ओळख पटली आहे. भैय्यासाहेब मारूती वावळे (वय 32) असे नाव आहे. तो मुंबई पोलिसात चालक म्हणून रुजू झाला होता. या प्रकरणात वडील भीमराव मारूती वावळे (वय 55) यांनी वाकोला पोलीस ठाण्यात तक्रार दाखल केली होती, त्यांचा मुलगा 7 फेब्रुवारी 2026 रोजी मुंबई पोलीस म्हणून कार्यरत होता. 15 मार्च रोजी सकाळी, त्यांना कलिना प्रशिक्षण केंद्रातून फोन आला की, त्यांच्या मुलाचा अपघात झाला होता. 

मृतदेहाजवळ सुसाईड नोट आढळली

पोलिसांच्या म्हणण्यानुसार, मृतदेहाजवळ सुसाईड नोट आढळून आली होती. या प्रकरणी वडिलांचा दावा असा की, सुसाईड नोटमधील अक्षर हे दुसरे तिसरे कोणाचे नसून मुलाचेच आहे. संबंधित सुसाईड नोटमध्ये लिहिलं की, दीड वर्षांपासून त्याचे एका तरुणीशी प्रेमसंबंध होते. त्या तरुणाच्या वडिलांनी त्याच्या लग्नासाठी दुसरी मुलगी बघितली होती. त्याने आपल्या कुटुंबाला प्रेमसंबंधाबाबत माहिती देखील दिली होती, नंतर भैय्यासाहेबांना फोन करून धमकी देण्यात आली. 

मुलाने मुलीचा पाठलाग करणं सुरुच ठेवलं तर ते त्यांना ठार मारून टाकतील, त्यांची नोकरी काढून टाकतील. सुसाईड नोटमध्ये असा आरोप करण्यात आला की, तरुणीच्या आई वडिलांच्या धमक्यांमुळे त्याने टोकाचं पाऊल उचललं.