माझ्याशी लग्न करशील ? सोमी अलीच्या प्रश्नाला सलमानने दिलं होतं 'हे' उत्तर

माझ्याशी लग्न करशील ? सोमी अलीच्या प्रश्नाला सलमानने दिलं होतं 'हे' उत्तर

बॉलिवूड अॅक्ट्रेस सोमी अलीने सलमान खान सोबत एकेकाळी असलेल्या नात्याबद्दल पुन्हा एकदा भाष्य केलं आहे. या दोघांचं लग्न झालं आहे अशा बातम्या त्या काळात म्हणजेच नव्वदच्या दशकात बऱ्याच प्रमाणात चर्चेत होत्या. गॉसिपिंगही मोठ्या प्रमाणात चालत होतं तोच हा काळ होता. मात्र सलमान खान आणि सोमी अलीचं लग्नापर्यंत आलेलं प्रेमप्रकरण अखेर संपुष्टात आलं आणि सोमी अली देश सोडून निघून गेली. ती नेमकी का निघून गेली? काय घडलं होतं याचं उत्तर आता सोमी अलीने दिलं आहे.

सलमानला लग्नाबद्दल विचारलं होतं सोमी अलीने

सोमी अलीने एका मुलाखतीत सांगितलं की तो असा काळ होता ज्यावेळी मी सलमानवर फिदा झाली होती. मी लग्न करण्यासाठीच तेव्हा भारतात आले होते. मी सलमान खानचा मैने प्यार किया हा सिनेमा पाहिला आणि त्याच्यासाठी अक्षरशः वेडी झाले. मी त्यावेळी सोळा वर्षांची होते. मी त्यावेळी माझ्या आईलाही सांगितलं की मी सलमानशी लग्न करण्यासाठी मुंबईला चालली आहे. माझं आणि सलमानचं लग्न झालं आहे असं स्वप्नही मला तेव्हा पडलं होतं.

मी त्याप्रमाणे मुंबईला आले. सलमानसोबत माझी भेट झाली एकदा मी आणि सलमान नेपाळला जात होतो. त्यावेळी मी त्याच्या शेजारीच बसले होते. त्यावेळी मी त्याला सांगितलं की मी तुझ्याशी लग्न करायलाच मुंबईत आले आहे. त्यावेळी मला सलमान म्हणाला होता की माझी कुणीही गर्लफ्रेंड नाही. मी 17 वर्षांची होते, त्यानंतर एक वर्षाने आमचं रिलेशनशिप सुरू झालं. सलमान खान मला तेव्हा आय लव्ह यू म्हणाला होता.

सलमान खानने आपल्याला फसवलं म्हणूनच आमचं ब्रेक अप झालं असं सोमी अलीने याआधीही सांगितलं आहे. सलमान खान माझ्यासोबत नात्यात असताना मला फसवत होता असं सोमी अलीने सांगितलं आहे. त्यामुळेच आमचं ब्रेक अप झालं. सलमान खानसोबत संपर्कात आल्याने तिला चित्रपटही मिळाले होते. मात्र सलमानशी नातं संपल्यानंतर तिने सिनेसृष्टीही सोडली आणि देशही सोडला. आता पुन्हा एकदा तिचं वक्तव्य चर्चेत आलं आहे.

सोमी अलीने वयाच्या १६व्या वर्षी बॉलिवूडमध्ये पदार्पण केले होते. तिने ९०च्या दशकात अनेक हिट चित्रपट दिले. सोमी बॉलिवूडचा भाईजान सलमान खानची गर्लफ्रेंड होती. पण १९९९मध्ये सलमानसोबत ब्रेकअप झाल्यानंतर तिने इंडस्ट्रीला रामराम ठोकला. ती परदेशात जाऊन राहू लागली. सोमी अलीने मिथून चक्रवर्तीसोबत ‘कृष्ण अवतार’, सैफ अली खानसोबत ‘यार गद्दार’ आणि सुनील शेट्टीसोबत ‘एंट’ यासारख्या बॉलिवूड चित्रपटात काम केले आहे.

Related Stories

No stories found.
Mumbai Tak
www.mumbaitak.in