पुणे महानगरपालिका : पहाटे तीनपर्यंत बैठक तरीही दोन्ही राष्ट्रवादीचं फिस्कटलं, मित्र पक्षांकडे परतण्याचा निर्णय
Pune Mahanagar Palika Election : शरद पवारांच्या राष्ट्रवादी काँग्रेसची महत्त्वाची बैठक पहाटे तीन वाजेपर्यंत चालली. या बैठकीत पुणे महानगरपालिकेच्या राजकीय समीकरणांवर सविस्तर चर्चा करण्यात आली. मागील तीन दिवसांपासून अजित पवार गटासोबत सुरू असलेल्या चर्चांमधून ठोस निष्कर्ष निघत नसल्याचे स्पष्ट झाल्यानंतर अखेर महाविकास आघाडीसोबतच पुढे जाण्याचा निर्णय घेण्यात आला.
ADVERTISEMENT
बातम्या हायलाइट
पुणे महानगरपालिका : पहाटे तीनपर्यंत बैठक तरीही दोन्ही राष्ट्रवादीचं फिस्कटलं
मित्र पक्षांकडे परतण्याचा निर्णय
Pune Mahanagar Palika Election : पुणे महानगरपालिकेच्या निवडणुकीसंदर्भात गेल्या काही दिवसांपासून सुरू असलेली दोन्ही राष्ट्रवादी काँग्रेसमधील एकत्र लढण्याची चर्चा अखेर निष्फळ ठरली आहे. शरद पवार गट आणि अजित पवार गट यांच्यातील समन्वय साधण्याचे प्रयत्न अपयशी ठरल्यानंतर शरद पवारांच्या राष्ट्रवादीने पुन्हा एकदा महाविकास आघाडीसोबत निवडणूक लढवण्याचा निर्णय घेतला आहे.
पहाटे तीन वाजेपर्यंत बैठक, तरीही काका-पुतण्याचं जमेना
शरद पवारांच्या राष्ट्रवादी काँग्रेसची महत्त्वाची बैठक पहाटे तीन वाजेपर्यंत चालली. या बैठकीत पुणे महानगरपालिकेच्या राजकीय समीकरणांवर सविस्तर चर्चा करण्यात आली. मागील तीन दिवसांपासून अजित पवार गटासोबत सुरू असलेल्या चर्चांमधून ठोस निष्कर्ष निघत नसल्याचे स्पष्ट झाल्यानंतर अखेर महाविकास आघाडीसोबतच पुढे जाण्याचा निर्णय घेण्यात आला. अजित पवारांकडून कोणताही अंतिम निर्णय किंवा स्पष्ट भूमिका समोर न आल्याने ही चर्चा फिस्कटल्याचे पक्षातील सूत्रांनी सांगितले.
या पार्श्वभूमीवर खासदार सुप्रिया सुळे आणि ज्येष्ठ आमदार जयंत पाटील यांच्याशी चर्चा करण्यात आली. या दोन्ही नेत्यांशी सल्लामसलतीनंतर पुणे महानगरपालिकेची निवडणूक महाविकास आघाडी म्हणूनच लढावी, यावर राष्ट्रवादी काँग्रेस (शरद पवार गट) मध्ये एकमत झाले. त्यामुळे उद्धव ठाकरे यांच्या शिवसेना आणि काँग्रेससोबत पुन्हा समन्वय साधण्याच्या हालचालींना वेग आला आहे.
हेही वाचा : पुणे : थायलंडची ट्रीप अन् हेलिकॉप्टर राईडची ऑफर; महापालिका निवडणुकीत मतदारांची 'दिवाळी'; प्रभाग कोणता?
हे वाचलं का?
